அரியலூர் மாவட்டத்தில் இன்று இ-கேஒய்சி சிறப்பு முகாம் ரேஷன் கார்டு பயனாளிகளுக்கு அழைப்பு

அரியலூர் மாவட்டத்தில் உள்ள ரேஷன் அட்டைதாரர்கள் அனைவரும் தங்கள் குடும்ப உறுப்பினர்களின் இ-கேஒய்சி (e-KYC) விவரங்களை கைரேகை மூலம் புதுப்பித்துக்கொள்ள வேண்டும் என்று அரசு கட்டாயமாக்கியுள்ளது. மாவட்டத்தில் இதுவரை 95.79 சதவீத பணிகள் நிறைவடைந்துள்ள நிலையில், மீதமுள்ள 31,187 நபர்களும் இந்தப் பணியை முடிக்கும் வகையில் சிறப்பு முகாம்கள் இன்று நடத்தப்படுகின்றன.

மாவட்ட ஆட்சியர் மிருணாளினி வெளியிட்டுள்ள செய்திக்குறிப்பின்படி, விடுபட்ட பயனாளிகள் அனைவரும் இந்த வாய்ப்பைப் பயன்படுத்தி தங்களது கைரேகை விவரங்களைப் புதுப்பித்துக்கொள்ளுமாறு அறிவுறுத்தப்பட்டுள்ளது.