தமிழகத்தின் கோரிக்கைகளை முழுமையாகப் பரிசீலிக்க வேண்டும்: காவிரி ஆணையத்துக்கு உச்சநீதிமன்றம் அறிவுறுத்தல்

காவிரி நதிநீர் பங்கீடு தொடர்பான விவகாரத்தில், தமிழகம் உள்ளிட்ட சம்பந்தப்பட்ட மாநிலங்களின் கோரிக்கைகளை காவிரி நீர் மேலாண்மை ஆணையமும், ஒழுங்காற்று குழுவும் முழுமையாக பரிசீலிக்க வேண்டும் என்று உச்சநீதிமன்றம் திங்கட்கிழமை அறிவுறுத்தியுள்ளது.

இந்த விவகாரத்தில் முடிவுகளை எடுக்கும்போது, அனைத்து மாநிலங்களின் தரப்பு நியாயங்களையும் கவனத்தில் கொண்டு உரிய உத்தரவுகளை பிறப்பிக்க வேண்டும் என்றும் நீதிமன்றம் உத்தரவிட்டுள்ளது.