சட்ட மாணவர்கள் பதிவை நிறுத்த சொல்லிய சர்ச்சை.. கடும் எதிர்ப்பால் பணிந்த பார் கவுன்சில் தலைவர்!

தெலங்கானாவின் ஹைதராபாத்தில் உள்ள நல்சார் சட்டப் பல்கலைக்கழகத்திற்கு இந்தியத் தலைமை நீதிபதி வருகை தந்ததை எதிர்த்த சட்ட மாணவர்கள் மீது நடவடிக்கை எடுக்க உத்தரவிடப்பட்டிருந்தது. மாணவர்களின் பதிவை நிறுத்தி வைக்குமாறு பார் கவுன்சில் தலைவர் மனன் குமார் மிஸ்ரா பிறப்பித்த உத்தரவு பெரும் சர்ச்சையை ஏற்படுத்தியது.

இதற்கு எழுந்த கடும் எதிர்ப்பைத் தொடர்ந்து, பிறப்பித்த சில மணிநேரங்களிலேயே அந்த உத்தரவை அவர் திரும்பப் பெற்றார். மேலும், இந்த விவகாரம் தொடர்பாகத் தனது செயலுக்கு அவர் தற்போது மன்னிப்பு கோரியுள்ளார்.