தேசிய நெடுஞ்சாலையில் இருசக்கர சாகச ரீல்ஸ்! நடவடிக்கை எடுக்க மக்கள் கோரிக்கை

சேலம்-கோவை தேசிய நெடுஞ்சாலையில் இளைஞர்கள் சிலர் இருசக்கர வாகனத்தில் ஆபத்தான முறையில் சாகசங்களில் ஈடுபட்டு, அதனை வீடியோவாகப் பதிவு செய்து சமூக வலைதளங்களில் பதிவிட்டு வருகின்றனர். இவர்களின் இச்செயல் மற்ற வாகன ஓட்டிகளுக்கு இடையூறாக அமைவதுடன் விபத்துகளுக்கும் வழிவகுக்கலாம் என அச்சம் நிலவுகிறது.

தொடர்ந்து இதுபோன்ற செயல்களில் ஈடுபடும் அந்த இளைஞர்கள் மீது உரிய சட்ட நடவடிக்கை எடுக்க வேண்டும் என்று அப்பகுதி பொதுமக்கள் கோரிக்கை விடுத்துள்ளனர். போக்குவரத்திற்கு இடையூறாகச் செயல்படுபவர்கள் மீது காவல்துறை கடும் நடவடிக்கை எடுக்க வேண்டும் என்றும் அவர்கள் வலியுறுத்தியுள்ளனர்.