அந்தியூர் கோவில் விழா பாதுகாப்பில் 770 போலீஸ்

ஈரோடு மாவட்டம் அந்தியூர் குருநாதசுவாமி கோவில் திருவிழா இன்று தொடங்கி வரும் 16-ஆம் தேதி வரை நடைபெற உள்ளது. இந்த விழாவில் லட்சக்கணக்கான பக்தர்கள் பங்கேற்பார்கள் என்பதால் பாதுகாப்பு ஏற்பாடுகள் பலப்படுத்தப்பட்டுள்ளன.

விழா நடைபெறும் நாட்களில் அசம்பாவிதங்களைத் தவிர்க்கும் வகையில், 770 காவலர்கள் பாதுகாப்புப் பணியில் ஈடுபடுத்தப்பட்டுள்ளனர். விழாவிற்கு வரும் பக்தர்களின் பாதுகாப்பை உறுதி செய்யத் தேவையான அனைத்து முன்னெச்சரிக்கை நடவடிக்கைகளும் மேற்கொள்ளப்பட்டுள்ளன.