பள்ளிகளில் மத நிகழ்வுகள் தடை... அரசாணையில் சில பகுதிகளை ரத்து செய்யக் கோரி வழக்கு !

<p>பள்ளிகளில் மதம் தொடர்பான நிகழ்வுகளை நடத்த தடை விதித்த பள்ளிக்கல்வித்துறையின் அரசாணையில் சில பகுதிகளை ரத்து செய்யக் கோரிய வழக்கு.</p> <p><strong>தமிழக அரசிடம் உரிய விளக்கம் பெற்று தெரிவிக்க அரசு வழக்கறிஞருக்கு மதுரை அமர்வு உத்தரவு</strong></p> <p>மதுரை சேர்ந்த தாண்டீஸ்வரன் உயர்நீதிமன்ற மதுரை அமர்வில், " மதுரை அருள்மிகு மீனாட்சி சுந்தரேஸ்வரர் திருக்கல்யாணத்தை முன்னிட்டு திருவருள் முருகன் பக்த சபை அறக்கட்டளையால் வழங்கப்படும் விருந்து பக்தர்களின் எண்ணிக்கை அதிகரித்ததால் சேதுபதி மேல்நிலைப்பள்ளி மைதானத்திற்கு மாற்றப்பட்டது. இந்நிலையில் கடந்த ஜூலை 29ஆம் தேதி பள்ளிக்கல்வித்துறை பிறப்பித்த அரசாணை பள்ளிகளில் மதம் தொடர்பான நிகழ்வுகளை நடத்த தடை விதித்துள்ளதால், திருக்கல்யாண விருந்தை மதுரை சேதுபதி பள்ளி மைதானத்தில் வழங்குவதில் சிரமம் எழுந்துள்ளது. எனவே, பள்ளிகளில் மதம் தொடர்பான நிகழ்வுகளை நடத்த தடை விதித்த பள்ளிக்கல்வித்துறையின் அரசாணையில் சில பகுதிகளை ரத்து செய்து உத்தரவிட வேண்டும்"என கூறியிருந்தார். இந்த வழக்கை விசாரித்த நீதிபதிகள் சி.வி.கார்த்திகேயன், சக்திவேல் அமர்வு வழக்கு தொடர்பாக, தமிழக அரசிடம் உரிய விளக்கம் பெற்று தெரிவிக்க உத்தரவிட்டு வழக்கை ஒத்திவைத்தனர்.</p>