ஆகஸ்ட் 30-க்குள் இதை செய்யலனா போச்சு! காஞ்சிபுரம் மக்களுக்கான கலெக்டரின் அதிரடி செய்தி!

<p style="text-align: justify;">காஞ்சிபுரம் மாவட்டத்தில் மக்கள் தொகை கணக்கெடுப்பாளர்கள் தங்கள் பகுதிக்கு வரவில்லை என்றால், மாவட்ட ஆட்சியர் அலுவலகக் கட்டுப்பாட்டு அறையைத் தொடர்புகொண்டு பொதுமக்கள் தகவல் தெரிவிக்கலாம் என மாவட்ட ஆட்சியர் சினேகா அறிவித்துள்ளார்.</p> <h3 style="text-align: justify;">முதல் கட்ட கணக்கெடுப்பு பணிகள்</h3> <p style="text-align: justify;">காஞ்சிபுரம் மாவட்டத்தில் மக்கள் தொகை கணக்கெடுப்பின் முதற் கட்ட பணியான வீட்டுப் பட்டியல் மற்றும் வீடுகள் கணக்கெடுப்பு பணி கடந்த ஆகஸ்ட் 1-ம் தேதி தொடங்கி தீவிரமாக நடைபெற்று வருகிறது. மாவட்டம் முழுவதும் நடைபெற்று வரும் இப்பணியில் 1,736 கணக்கெடுப்பாளர்கள் மற்றும் 275 மேற்பார்வையாளர்கள் ஈடுபடுத்தப்பட்டுள்ளனர். கணக்கெடுப்பாளர்கள் நேரடியாக வீடுகளுக்குச் சென்று, வீடு தொடர்பான அனைத்து விவரங்களையும் சேகரித்து வருகின்றனர்.</p> <h3 style="text-align: justify;">பொதுமக்கள் முழு ஒத்துழைப்பு அளிக்க கோரிக்கை</h3> <p style="text-align: justify;">கணக்கெடுப்பு பணியாளர்கள் வீடுகளுக்கு வரும்போது கேட்கப்படும் அனைத்து விவரங்களையும் பொதுமக்கள் முழுமையாகவும் துல்லியமாகவும் தெரிவித்து, கணக்கெடுப்பு பணிக்கு முழு ஒத்துழைப்பு அளிக்க வேண்டும் என கேட்டுக்கொள்ளப்பட்டுள்ளனர். முதற்கட்ட வீட்டுப் பட்டியல் மற்றும் வீடுகள் கணக்கெடுப்பு பணி வரும் ஆகஸ்ட் 30-ம் தேதியுடன் நிறைவடைய உள்ளது. இதனால் விடுப்பட்ட வீடுகள் எதுவும் இல்லாத வகையில் கணக்கெடுப்பு பணியை மேற்கோள்ள அதிகாரிகள் உரிய நடவடிக்கைகள் எடுத்து வருகின்றனர்.</p> <h3 style="text-align: justify;">கட்டுப்பாட்டு அறை எண்</h3> <p style="text-align: justify;">தங்களது பகுதியில் கணக்கெடுப்பு பணியாளர் வரவில்லை எனில், பொதுமக்கள் காஞ்சிபுரம் கலெக்டர் அலுவலக கட்டுப்பாட்டு அறையை 044 - 2723 7107 என்ற தொலைபேசி எண்ணில் தொடர்பு கொண்டு தகவல் தெரிவிக்கலாம் என ஆட்சியர் வெளியிட்ட செய்திக்குறிப்பில் தெரிவிக்கப்பட்டுள்ளது.</p>