பாபநாசத்தில் பள்ளி, கல்லூரி அருகே உள்ள மதுக்கடையை அகற்ற நடவடிக்கை எடுக்கப்படுமா?

தஞ்சாவூர் மாவட்டம் பாபநாசத்தில் பள்ளி, கல்லூரி மற்றும் மசூதி அமைந்துள்ள இடத்திற்கு அருகில் மதுபானக் கடை செயல்பட்டு வருகிறது. இதனால் பொதுமக்களுக்கு ஏற்படும் பாதிப்புகளைக் கருத்தில் கொண்டு, அந்தக் கடையை அகற்ற வேண்டும் என சம்பந்தப்பட்ட அதிகாரிகளிடம் கிராம மக்கள் பலமுறை மனு அளித்துள்ளனர்.

இருப்பினும், இதுவரை எந்தவித நடவடிக்கையும் எடுக்கப்படாததால், தமிழக முதல்வர் இதில் உடனடியாகத் தலையிட்டு உரிய தீர்வு காண வேண்டும் என்று பொதுமக்கள் கோரிக்கை விடுத்துள்ளனர். பாபநாசம் சாலியமங்கலம் சாலையில் இந்த மதுபானக் கடை அமைந்துள்ளது குறிப்பிடத்தக்கது.