இந்திய நிறுவனத்திற்கு காணி வழங்குவதற்கு வடமராட்சி கிழக்கு மக்கள் கடும் எதிர்ப்பு

யாழ்ப்பாணம், வடமராட்சி கிழக்கு பிரதேசத்திற்குட்பட்ட வெற்றிலைக்கேணி மற்றும் ஆழியவளை பகுதிகளில் உள்ள 20 ஏக்கர் அரச காணியை இந்திய தனியார் நிறுவனம் ஒன்றுக்கு குத்தகைக்கு வழங்க மேற்கொள்ளப்படும் முயற்சிக்கு அப்பகுதி மக்கள் கடும் எதிர்ப்பு தெரிவித்துள்ளனர். மசாஜ் நிலையம் மற்றும் தியான மண்டபம் அமைப்பதற்காகவே இந்த நிலம் வழங்கப்படவுள்ளதாக தெரிவிக்கப்படுகிறது.

கடந்த 28 ஆம் திகதி நாடாளுமன்ற உறுப்பினர் ரஜீவன் தலைமையில் வடமராட்சி கிழக்கு பிரதேச செயலகத்தில் இடம்பெற்ற கலந்துரையாடலின் போதே இது குறித்த தகவல்கள் வெளியாகியிருந்தன. குறித்த காணி விவகாரத்திற்கு எதிர்ப்பு தெரிவிக்கும் வகையில் மக்கள் தமது கண்டனங்களை வெளிப்படுத்தியுள்ளனர்.