“உங்கள தற்குறினு சொல்றதே பெரிய அங்கீகாரம்தான்” தவெக அமைச்சர்களை சீண்டிய சீமான்?
மதுரையில் நடைபெற்ற பூலித்தேவர் நினைவு தின நிகழ்வில் பங்கேற்று பேசிய நாம் தமிழர் கட்சியின் ஒருங்கிணைப்பாளர் சீமான், தமிழக வெற்றிக் கழக அரசையும் அமைச்சர் ஆனந்தின் சட்டப்பேரவை பேச்சையும் கடுமையாக விமர்சித்தார். “சர்க்கார் பட போஸ்டரை கிழிச்சது சர்வதேச பிரச்சினையா? மீனவர் பாதுகாப்பு, காவிரி நீர் பிரச்சினை எல்லாம் இவர்களின் கண்களுக்கு தெரியவில்லை” என கேள்வி எழுப்பிய அவர், அமைச்சர் ஆனந்துக்கு பூலித்தேவர் யார் என்றே தெரியாது என்றும் விமர்சித்தார். மேலும், “இனிமேல் மேட்டூர் அணை திறப்பு ரிலீஸ்தான் ஓடும்” என முதல்வர் விஜய் அரசை சீண்டிய சீமானின் பேச்சு தமிழக அரசியல் வட்டாரத்தில் கவனம் பெற்றுள்ளது.
மதுரையில் நடைபெற்ற பூலித்தேவர் நினைவு தின நிகழ்வில் கலந்துகொண்டு பேசிய நாம் தமிழர் கட்சியின் ஒருங்கிணைப்பாளர் சீமான், தமிழக வெற்றிக் கழகத்தின் அமைச்சர்களையும், அமைச்சர் ஆனந்தின் சட்டப்பேரவை பேச்சையும் கடுமையாக சாடினார். சர்க்கார் திரைப்பட போஸ்டரை கிழித்ததை சர்வதேச பிரச்சனையாக மாற்றும் அமைச்சர்களுக்கு, மீனவர் பாதுகாப்பு மற்றும் காவிரி நீர் போன்ற முக்கிய பிரச்சனைகள் கண்ணுக்கு தெரியவில்லை என்று அவர் விமர்சித்தார்.
பூலித்தேவர் யார் என்பது கூட தெரியாமல் அமைச்சர் ஆனந்த் செயல்படுவதாகக் குறிப்பிட்ட சீமான், அவரைத் தற்குறி என்று விமர்சித்தார். மேலும், இனிமேல் மேட்டூர் அணை திறப்பு என்பது ஒரு திரைப்பட வெளியீட்டைப் போல மாற்றப்பட்டுவிடும் என்றும் அவர் கிண்டலாகப் பேசினார்.