த.வெ.க.வில் 27 புதிய மாவட்டச் செயலாளர்கள் நியமனம்: அ.தி.மு.க.வில் இருந்து விலகியவர்களுக்கும் பதவி
தமிழக வெற்றிக் கழகத்தில் புதிதாக 27 மாவட்டச் செயலாளர்கள் மற்றும் மாவட்ட அமைப்புச் செயலாளர்களை அக்கட்சியின் தலைவரும் முதலமைச்சருமான விஜய் நியமித்துள்ளார். இதில் அ.தி.மு.க.வில் இருந்து விலகி த.வெ.க.வில் இணைந்த முக்கிய நிர்வாகிகளுக்கும் பொறுப்புகள் வழங்கப்பட்டுள்ளன. த.வெ.க.வின் கட்சி அமைப்பை வலுப்படுத்தும் வகையில் பல்வேறு மாவட்டங்களுக்கு புதிய நிர்வாகிகளை நியமித்து விஜய் அறிவிப்பு வெளியிட்டுள்ளார். கரூர் மாவட்ட அமைப்புச் செயலாளராக முன்னாள் அமைச்சர் எம்.ஆர். விஜயபாஸ்கர் நியமிக்கப்பட்டுள்ளார். இதுமட்டுமின்றி, த.வெ.க.வின் துணைப் பொதுச் செயலாளராகவும் அவர் நியமிக்கப்பட்டுள்ளார். புதுக்கோட்டை மாவட்ட அமைப்புச் செயலாளராக சி. விஜயபாஸ்கர் நியமிக்கப்பட்டுள்ளார். தென்காசி மாவட்ட அமைப்புச் செயலாளராக இசக்கி சுப்பையா நியமிக்கப்பட்டுள்ளார். அதேபோல், திருப்பூர் தென்கிழக்கு மாவட்டச் செயலாளராக சத்தியபாமா நியமிக்கப்பட்டுள்ளார். மேலும், மரகதம் குமரவேல் உள்ளிட்ட மேலும் 10 பேருக்கும் மாவட்ட அமைப்புச் செயலாளர் உள்ளிட்ட முக்கியப் பொறுப்புகள் வழங்கப்பட்டுள்ளன. த.வெ.க.வில் அமைச்சர்களுக்கும் மாவட்ட அளவிலான கட்சிப் பொறுப்புகள் வழங்கப்பட்டுள்ளன. விருதுநகர் மேற்கு மாவட்டச் செயலாளராக அமைச்சர் கீர்த்தனாவும், தூத்துக்குடி மத்திய மாவட்டச் செயலாளராக அமைச்சர் ஸ்ரீநாத்தும் நியமிக்கப்பட்டுள்ளனர். அ.தி.மு.க.வில் இருந்து விலகி த.வெ.க.வில் இணைந்தவர்களுக்கு முக்கியப் பொறுப்புகள் வழங்கப்பட்டிருப்பது கட்சி வட்டாரத்தில் கவனம் பெற்றுள்ளது. புதிதாக அறிவிக்கப்பட்டுள்ள நிர்வாகிகள் மூலம் மாவட்ட அளவில் கட்சியின் கட்டமைப்பை மேலும் வலுப்படுத்தவும், வரும் அரசியல் நடவடிக்கைகளை ஒருங்கிணைக்கவும் த.வெ.க. தலைமை திட்டமிட்டுள்ளதாகத் தெரிகிறது.
தமிழக வெற்றிக் கழகத்தை வலுப்படுத்தும் நோக்கில், அக்கட்சியின் தலைவரும் முதலமைச்சருமான விஜய், 27 புதிய மாவட்டச் செயலாளர்கள் மற்றும் மாவட்ட அமைப்புச் செயலாளர்களை நியமித்துள்ளார். இதில் அ.தி.மு.க.வில் இருந்து விலகி த.வெ.க.வில் இணைந்த முக்கிய நிர்வாகிகளுக்கும் பொறுப்புகள் வழங்கப்பட்டுள்ளன.
முன்னாள் அமைச்சர் எம்.ஆர். விஜயபாஸ்கர் கரூர் மாவட்ட அமைப்புச் செயலாளராகவும், துணைப் பொதுச் செயலாளராகவும் நியமிக்கப்பட்டுள்ளார். மேலும் சி. விஜயபாஸ்கர், இசக்கி சுப்பையா, சத்தியபாமா, மரகதம் குமரவேல் உள்ளிட்டோருக்கும் பொறுப்புகள் வழங்கப்பட்டுள்ளன. இவர்களுடன் விருதுநகர் மேற்கு மாவட்டச் செயலாளராக அமைச்சர் கீர்த்தனாவும், தூத்துக்குடி மத்திய மாவட்டச் செயலாளராக அமைச்சர் ஸ்ரீநாத்தும் நியமிக்கப்பட்டுள்ளனர்.