திமுகவில் 9 அதிரடி தீர்மானங்கள்: 15 நாட்களில் 110 மாவட்டங்கள் - செயற்குழுவில் ஸ்டாலின் வைத்த கெடு?
திமுக தலைவர் மு.க.ஸ்டாலின் தலைமையில் நடைபெற்ற தலைமைச் செயற்குழுக் கூட்டத்தில், கட்சியின் அமைப்பு ரீதியான மறுசீரமைப்பை மேற்கொள்ளும் வகையில் 9 முக்கிய தீர்மானங்கள் நிறைவேற்றப்பட்டுள்ளன. தற்போது 77 ஆக உள்ள திமுக மாவட்டக் கழகங்களின் எண்ணிக்கையை 110 ஆக உயர்த்துவது, மாவட்டச் செயலாளர்களுக்கான அதிகபட்ச வயதை 70 ஆக நிர்ணயிப்பது, ஒருவர் அதிகபட்சம் 3 முறை மட்டுமே மாவட்டச் செயலாளர் பதவி வகிக்க முடியும் என்பது உள்ளிட்ட முக்கிய முடிவுகள் எடுக்கப்பட்டுள்ளன.
திமுக தலைவர் மு.க.ஸ்டாலின் தலைமையில் நடைபெற்ற செயற்குழுக் கூட்டத்தில், கட்சியின் அமைப்பு மாற்றங்கள் தொடர்பாக 9 முக்கிய தீர்மானங்கள் நிறைவேற்றப்பட்டுள்ளன. இதில் திமுகவின் மாவட்டக் கழகங்களின் எண்ணிக்கையை 77-லிருந்து 110-ஆக உயர்த்த முடிவு செய்யப்பட்டுள்ளது.
மாவட்டச் செயலாளர்கள் பதவிக்கு 70 வயது உச்ச வரம்பாகவும், ஒருவர் அதிகபட்சம் மூன்று முறை மட்டுமே அப்பதவியை வகிக்க முடியும் என்ற புதிய கட்டுப்பாடுகளும் விதிக்கப்பட்டுள்ளன. இந்த மறுசீரமைப்புப் பணிகளை 15 நாட்களுக்குள் முடிக்க வேண்டும் என ஸ்டாலின் அறிவுறுத்தியுள்ளார்.