நேற்று விசில், இன்று துடைப்பம்.. நாளை எதுவோ; முதல்வரை சந்திக்கும் வரை தீவிரமாகும் தூய்மைப்பணியாளர்கள் போராட்டம்: ரிப்பன் மாளிகை முன்பு 9வது நாளாக தொடர்வதால் பதற்றம்: 100 நாட்கள் ஆனாலும் பேராட்டம் தொடரும் என அறிவிப்பு

ரிப்பன் மாளிகை முன்பு தூய்மைப் பணியாளர்கள் நடத்தி வரும் போராட்டம் 9-வது நாளை எட்டியுள்ளதால் அங்கு பதற்றமான சூழல் நிலவுகிறது. தங்களின் கோரிக்கைகளை வலியுறுத்தி, முதலமைச்சரை நேரில் சந்திக்கும் வரை போராட்டத்தைத் தீவிரப்படுத்தப் போவதாக அவர்கள் அறிவித்துள்ளனர்.

தங்கள் கோரிக்கைகள் நிறைவேறும் வரை, நூறு நாட்கள் ஆனாலும் போராட்டத்தைக் கைவிடப் போவதில்லை எனப் பணியாளர்கள் திட்டவட்டமாகத் தெரிவித்துள்ளனர். நேற்று விசில் அடித்து ஆர்ப்பாட்டத்தில் ஈடுபட்ட அவர்கள், இன்று துடைப்பங்களைக் கையில் ஏந்திப் போராட்டத்தில் ஈடுபட்டு வருகின்றனர்.