ஓய்வு பெற்ற அலுவலர் சங்க கூட்டம்: பழைய ஓய்வூதிய திட்டம் தொடர வேண்டும்

வேதாரண்யத்தில் நடைபெற்ற வட்ட ஓய்வு பெற்ற அலுவலர் சங்க செயற்குழுக் கூட்டத்திற்கு, சங்கத் தலைவர் இராஜகிருஷ்ணன் தலைமை தாங்கினார். இந்த நிகழ்வில் இணைச் செயலர் மாரிமுத்து வரவேற்புரை ஆற்ற, செயலர் திருமாறன் மற்றும் பொருளாளர் அழகிரி ஆகியோர் முன்னிலை வகித்தனர்.

கூட்டத்தில், தமிழக அரசு ஓய்வூதியர்களுக்குத் தேவையான மருத்துவக் காப்பீட்டுத் திட்டத்தை வழங்க வேண்டும் என்று கோரிக்கை விடுக்கப்பட்டது. மேலும், பழைய ஓய்வூதியத் திட்டத்தைத் தொடர்ந்து அமல்படுத்த வேண்டும் என்றும் வலியுறுத்தப்பட்டது.