குலசை கோயிலில் திருவிளக்கு பூஜை

குலசேகரன்பட்டினம் கடற்கரையில் அமைந்துள்ள பழமையான சிவகாமி அம்மன் உடனுறை ஸ்ரீசிதம்பரேஸ்வரர் கோயிலில், ஆவணி மாதப் பிறப்பையொட்டி அதிகாலை 6 மணிக்கு நடை திறக்கப்பட்டு சிறப்பு வழிபாடுகள் நடைபெற்றன. இதனைத் தொடர்ந்து காலை 8 மணிக்கு காலசந்தி பூஜையும், நண்பகல் 12 மணிக்கு உச்சிக்கால பூஜையும் நடத்தப்பட்டு பின்னர் நடை அடைக்கப்பட்டது.

மாலை 4 மணிக்கு மீண்டும் கோயில் நடை திறக்கப்பட்டு, தொடர்ந்து மாலை 5.30 மணிக்கு திருவிளக்கு பூஜை நடைபெற்றது. ஆவணி மாதப் பிறப்பை முன்னிட்டு நடைபெற்ற இந்த வழிபாடுகளில் திரளான பக்தர்கள் கலந்து கொண்டனர்.