மகாமக விழாவுக்காக தனி அலுவலர் நியமனம்... கும்பகோணத்தில் பணிகள் தீவிரம்: அமைச்சர் வினோத்ரவி தகவல்

<p style="text-align: justify;">கும்பகோணம்: தஞ்சாவூர் மாவட்டம் கும்பகோணத்தில் நடைபெற உள்ள 2028 மகாமக விழாவை சிறப்பாகவும், பக்தர்களுக்கு தேவையான அனைத்து வசதிகளுடனும் நடத்துவதற்காக சிறப்பு தனி அலுவலர் நியமிக்கப்படுவார் என்று அமைச்சர் வினோத்ரவி தெரிவித்தார்.</p> <p style="text-align: justify;">மகாமக விழாவுக்கான முன்னேற்பாடுகள் குறித்து பல்வேறு துறைகள் சார்பில் ஆலோசனைகளும், ஆய்வுகளும் நடைபெற்று வருவதாகவும் அவர் கூறினார்.</p> <p style="text-align: justify;"><br /><img src="https://feeds.abplive.com/onecms/images/uploaded-images/2026/08/14/fc16817c5c2c111fe164530f29602be11786714483065733_original.jpg" /></p> <p style="text-align: justify;"><strong>தேனுபுரீஸ்வரர் கோவிலில் சாமி தரிசனம்</strong></p> <p style="text-align: justify;">கும்பகோணத்தை அடுத்த பட்டீஸ்வரம் பகுதியில் அமைந்துள்ள பிரசித்தி பெற்ற தேனுபுரீஸ்வரர் கோவிலுக்கு அமைச்சர் வினோத்ரவி வருகை புரிந்து சாமி தரிசனம் செய்து வழிபட்டார். கோவில் நிர்வாகம் சார்பில் அவருக்கு வரவேற்பு அளிக்கப்பட்டது.</p> <p style="text-align: justify;">இதனைத் தொடர்ந்து, பட்டீஸ்வரத்தில் உள்ள ஆரம்ப சுகாதார நிலையத்துக்கு அமைச்சர் நேரில் சென்று ஆய்வு மேற்கொண்டார். அப்போது சிகிச்சைக்காக வந்திருந்த பொதுமக்களிடம் மருத்துவமனையில் அளிக்கப்படும் சிகிச்சைகள், மருத்துவ வசதிகள் மற்றும் அவர்கள் சந்திக்கும் பிரச்சினைகள் குறித்து கேட்டறிந்தார்.</p> <p style="text-align: justify;">மேலும், ஆரம்ப சுகாதார நிலையத்தில் பணியாற்றும் டாக்டர்கள் மற்றும் மருத்துவப் பணியாளர்களிடம் நோயாளிகளின் வருகை, அவர்களுக்கு வழங்கப்படும் சிகிச்சைகள், மருந்துகளின் இருப்பு உள்ளிட்ட விவரங்களையும் அமைச்சர் கேட்டறிந்தார். பொதுமக்களுக்கு தேவையான மருந்துகள் தடையின்றி கிடைக்க வேண்டும் என்றும், சுகாதார சேவைகளில் குறைபாடுகள் ஏற்படாத வகையில் பணிகளை மேற்கொள்ள வேண்டும் என்றும் அதிகாரிகளிடம் அறிவுறுத்தினார்.</p> <p style="text-align: justify;"><strong>மகாமக விழாவுக்கு தனி அலுவலர்</strong></p> <p style="text-align: justify;">ஆய்வுக்குப் பின்னர் அமைச்சர் வினோத்ரவி நிருபர்களிடம் கூறியதாவது: கும்பகோணத்தில் 2028-ம் ஆண்டு நடைபெற உள்ள மகாமக விழாவை சிறப்பாக நடத்துவதற்கான முன்னேற்பாடுகள் தற்போது நடைபெற்று வருகின்றன. மகாமக விழா என்பது கும்பகோணத்துக்கு மட்டுமின்றி தமிழகம் முழுவதும் உள்ள பக்தர்களின் கவனத்தை ஈர்க்கும் மிகப்பெரிய ஆன்மிக நிகழ்வாகும்.</p> <p style="text-align: justify;">விழாவின்போது கும்பகோணத்தில் லட்சக்கணக்கான பக்தர்கள் திரள்வார்கள் என்பதால், அவர்களுக்கு தேவையான அடிப்படை வசதிகளை முன்கூட்டியே திட்டமிட்டு செயல்படுத்த வேண்டியது அவசியம். இதற்காக பல்வேறு துறைகளுடன் ஆலோசனைகள் நடத்தப்பட்டு வருகின்றன. மகாமக விழா ஏற்பாடுகளை ஒருங்கிணைத்து கண்காணிக்கும் வகையில் சிறப்பு தனி அலுவலர் ஒருவர் நியமிக்கப்படுவார். இதன் மூலம் பல்வேறு துறைகளின் பணிகளை ஒருங்கிணைத்து, விழாவுக்கான ஏற்பாடுகளை திட்டமிட்ட முறையில் மேற்கொள்ள முடியும்.</p> <p style="text-align: justify;"><strong>மின்தடையை தவிர்க்க ஏற்பாடு</strong></p> <p style="text-align: justify;">மகாமக விழா காலத்தில் கும்பகோணம் மற்றும் அதனை சுற்றியுள்ள பகுதிகளில் அதிக அளவில் பக்தர்கள் கூடுவதால் மின்சார தேவையும் அதிகரிக்கும். எனவே, விழா நாட்களில் மின்தடை ஏற்படாத வகையில் தேவையான முன்னெச்சரிக்கை நடவடிக்கைகள் மேற்கொள்ளப்பட்டு வருகின்றன.</p> <p style="text-align: justify;">கும்பகோணம் மற்றும் சுற்றுவட்டாரப் பகுதிகளில் அதிக திறன் கொண்ட மின்மாற்றிகளை அமைக்க வேண்டும் என்று மின்வாரிய அமைச்சரிடம் வலியுறுத்தப்பட்டுள்ளது. விழா காலத்தில் பக்தர்கள் மற்றும் பொதுமக்களுக்கு தடையற்ற மின்சாரம் கிடைக்கும் வகையில் தேவையான நடவடிக்கைகள் மேற்கொள்ளப்படும்.</p> <p style="text-align: justify;"><strong>அனைத்து துறைகளும் களமிறங்கும்</strong></p> <p style="text-align: justify;">மகாமக விழா என்பது ஒரு துறையால் மட்டும் நடத்தக்கூடிய நிகழ்வு அல்ல. போக்குவரத்து, மின்சாரம், குடிநீர், சுகாதாரம், தூய்மை, பாதுகாப்பு உள்ளிட்ட பல்வேறு துறைகள் ஒருங்கிணைந்து செயல்பட வேண்டியிருக்கும். இதனால், சட்டசபை கூட்டத்தொடர் முடிந்தவுடன் அனைத்து துறை அமைச்சர்களும் கும்பகோணம் வந்து மகாமக விழாவுக்கான முன்னேற்பாடுகள் மற்றும் மேற்கொள்ள வேண்டிய பணிகள் குறித்து ஆய்வு செய்ய வாய்ப்பு உள்ளது.</p> <p style="text-align: justify;">விழாவுக்கு இன்னும் கால அவகாசம் இருந்தாலும், பக்தர்கள் எண்ணிக்கை அதிகமாக இருக்கும் என்பதால் கடைசி நேரத்தில் பணிகளை மேற்கொள்ளாமல், முன்கூட்டியே திட்டமிட்டு அனைத்து அடிப்படை வசதிகளையும் ஏற்படுத்துவதற்கான நடவடிக்கைகள் தொடங்கப்பட்டுள்ளதாக அமைச்சர் தெரிவித்தார்.</p> <p style="text-align: justify;">2028 மகாமக விழாவை எந்தவித குறைபாடும் இல்லாமல் நடத்துவதற்கான பணிகள் தற்போதே தொடங்கியிருப்பது கும்பகோணம் பகுதி மக்களிடையே எதிர்பார்ப்பை ஏற்படுத்தியுள்ளது. மகாமக குளம், கோவில்கள், சாலைகள், குடிநீர், சுகாதாரம், மின்சாரம், போக்குவரத்து மற்றும் பாதுகாப்பு என அனைத்து அம்சங்களிலும் விரிவான ஏற்பாடுகள் மேற்கொள்ளப்பட உள்ளன.</p> <p style="text-align: justify;">மகாமக விழாவுக்கு தனி அலுவலர் நியமனம், அனைத்து துறைகளின் ஒருங்கிணைப்பு, மின்தடையை தவிர்க்க கூடுதல் மின்மாற்றிகள் என கும்பகோணம் 2028 மகாமக விழாவை நோக்கி இப்போதே தயாராகத் தொடங்கியுள்ளது.</p>