பெங்களூரில் 45 லட்சம் சம்பளம்.. 20 லட்சம் சம்பள உயர்வை நிராகரித்த ஐடி ஊழியர்.. திகைத்த தந்தை

பெங்களூரைச் சேர்ந்த 31 வயது ஐடி ஊழியர் ஒருவர், தனக்கு வழங்கப்பட்ட ஆண்டுக்கு 20 லட்சம் ரூபாய் ஊதிய உயர்வை நிராகரித்துள்ளார். தற்போது 45 லட்சம் ரூபாய் சம்பளம் பெற்று வரும் அவர், இந்த உயர்வை ஏற்றுக்கொண்டிருந்தால் 65 லட்சம் ரூபாயாக உயர்ந்திருக்கும்.

வேலை மற்றும் தனிப்பட்ட வாழ்க்கை சமநிலையை (work-life balance) முக்கியமாகக் கருதி அவர் இந்த முடிவை எடுத்துள்ளார். தனது மகன் சம்பள உயர்வை மறுத்ததைக் கண்டு அவரது தந்தை ஆச்சரியமடைந்ததாக ஒரு இந்தியத் தொழில்முனைவோர் பகிர்ந்துள்ள தகவல் தற்போது இணையத்தில் வைரலாகி வருகிறது.