ஒடிசா கடல்பகுதியில் மூழ்கிய பனாமா நாட்டு சரக்கு கப்பல்.. 24 பேரின் கதி என்ன?

ஒடிசா கடற்கரையிலிருந்து 240 கடல் மைல் தொலைவில், பனாமா நாட்டு கொடியுடன் செயல்பட்டு வந்த ‘எம்.வி. ஓஷன் வின்னர்’ என்ற சரக்குக் கப்பல் திடீரென மூழ்கியது. ஒடிசாவிலிருந்து இரும்புத் தாதுக்களை ஏற்றிக்கொண்டு சிங்கப்பூர் நோக்கிச் சென்று கொண்டிருந்தபோது இந்தக் கப்பல் விபத்துக்குள்ளானது.

இந்தக் கப்பலில் மொத்தம் 24 பணியாளர்கள் பயணித்து வந்ததாக இந்தியக் கடலோரக் காவல் படை தெரிவித்துள்ளது. தற்போது விபத்துக்குள்ளான கப்பலில் இருந்தவர்களைக் கண்டறியும் மற்றும் மீட்புப் பணிகள் தீவிரமாக நடைபெற்று வருகின்றன.