22,000 கோடி கடன்.. 6.5 கோடி கட்டினால் போதும்.. பிரபல தொழிலதிபருக்கு NCLT மெகா நிவாரணம்

பிரபல தொழிலதிபர் சுபாஷ் சந்திராவுக்கு சொந்தமான நிறுவனத்தின் ரூ. 22,006 கோடி கடன் விவகாரத்தில், தேசிய நிறுவன சட்ட தீர்ப்பாயம் (NCLT) முக்கிய உத்தரவை பிறப்பித்துள்ளது. இதன்படி, நிலுவையில் உள்ள மொத்த கடன் தொகையை அடைக்க ரூ. 6.5 கோடியை மட்டும் செலுத்தினால் போதுமானது என்று அனுமதி வழங்கப்பட்டுள்ளது.

இந்த கடன் தீர்வுத் திட்டத்திற்கு தீர்ப்பாயம் ஒப்புதல் அளித்துள்ளதன் மூலம், சுபாஷ் சந்திராவுக்கு பெரும் நிவாரணம் கிடைத்துள்ளது. அனுமதிக்கப்பட்ட கடன் தொகையான ரூ. 22,006 கோடிக்கு மாற்றாக, வெறும் ரூ. 6.5 கோடியை செலுத்துவதன் மூலம் இந்த விவகாரம் முடிவுக்கு வருகிறது.