கர்நாடகாவில் 3 தமிழர்களை சுட்டுக்கொன்ற கர்நாடக வனத்துறை மீது கொலை வழக்கு! சிபிஐக்கு மாற்ற கோரிக்கை

கர்நாடக வனத்துறையினர் நடத்திய துப்பாக்கிச் சூட்டில் மூன்று தமிழர்கள் உயிரிழந்த சம்பவம் தமிழகத்தில் பெரும் அதிர்ச்சியை ஏற்படுத்தியுள்ளது. இந்த விவகாரம் தொடர்பாக அளிக்கப்பட்ட புகாரின் அடிப்படையில், சம்பந்தப்பட்ட வனத்துறை அதிகாரிகள் மீது ஹனூர் காவல்துறையினர் கொலை வழக்குப்பதிவு செய்துள்ளனர்.

உயிரிழந்தவர்களின் குடும்பத்தினர், இந்த வழக்கினை சிபிஐ விசாரணைக்கு மாற்ற வேண்டும் என்று கோரிக்கை விடுத்துள்ளனர். மேலும், தங்களுக்கு நீதி கிடைக்க வேண்டும் என்றும் அவர்கள் வலியுறுத்தியுள்ளனர்.