டெல்லி வேண்டாம்.. உத்தரகாண்ட்டுக்கே வருகிறேன்.. பாஜக முதல்வரிடம் உதவி கேட்ட ரிஷப் பண்ட்! என்ன மேட்டர்?

டெல்லியில் வசிக்க விருப்பமில்லை என்றும், தனது சொந்த மாநிலமான உத்தரகாண்டிலேயே குடியேற விரும்புவதாகவும் இந்திய கிரிக்கெட் வீரர் ரிஷப் பண்ட் தெரிவித்துள்ளார். கடந்த மூன்று ஆண்டுகளாக நிலம் வாங்குவதற்கு முயற்சி செய்தும், தகுந்த இடத்தை கண்டறிய முடியவில்லை என்று அவர் வருத்தம் தெரிவித்துள்ளார்.

இதன் காரணமாக, தனக்கு தேவையான நிலத்தை வாங்குவதற்கு உதவி செய்யுமாறு உத்தரகாண்ட் மாநில பாஜக முதல்வர் புஷ்கர் சிங் தமியிடம் ரிஷப் பண்ட் கோரிக்கை விடுத்துள்ளார். இந்த விவகாரம் தற்போது முக்கியத்துவம் பெற்றுள்ளது.