விஸ்வரூபமாகும் மேகமலை விவகாரம்.. ஆக்கிரமிப்பாளர்களில் 118 பேர் அரசு ஊழியர்கள்! ஆக்‌ஷன் எடுக்க ஆர்டர்

தேனி மாவட்டத்தில் உள்ள மேகமலை பகுதியில் ஆக்கிரமிப்பில் ஈடுபட்டுள்ளவர்களில் 118 பேர் அரசு ஊழியர்கள் என்பது கண்டறியப்பட்டுள்ளது. இந்த விவகாரம் பூதாகரமாகியுள்ள நிலையில், சம்பந்தப்பட்ட அந்த ஊழியர்கள் மீது ஒழுங்கு நடவடிக்கை எடுக்குமாறு மாவட்ட ஆட்சியர் உத்தரவிட்டுள்ளார்.

ஆக்கிரமிப்பாளர்களுக்கு எதிராகக் கடும் நடவடிக்கை எடுக்க அரசு உத்தரவு பிறப்பித்துள்ளதைத் தொடர்ந்து, அடையாளம் காணப்பட்ட அரசு ஊழியர்கள் மீது துறைரீதியான நடவடிக்கைகள் மேற்கொள்ளப்பட உள்ளன.