நான் இந்தியன்.. சீனர் என்று சொல்லாதீங்க... இந்தியர்களின் இதயத்தை வென்ற அருணாச்சல பிரதேச குழந்தை

அருணாச்சல பிரதேசத்தைச் சேர்ந்த சிறுமி ஒருவர், தன்னை சீன என்று அழைக்க வேண்டாம் என்றும், தான் இந்தியர் என்றும் பெருமிதத்துடன் கூறும் காணொளி இணையத்தில் பலரது இதயங்களை வென்றுள்ளது. இத்தகைய தவறான அடையாளங்கள் தங்களுக்கு மிகுந்த வேதனையையும் துயரத்தையும் தருவதாக அந்தச் சிறுமி தனது ஆதங்கத்தை வெளிப்படுத்தியுள்ளார்.

சிறுமிக்கு ஆதரவு தெரிவித்துள்ள திரிணாமுல் காங்கிரஸ் எம்பி, அவர் இந்திய நாட்டின் தூய்மையான ஆன்மாவாகவும், இதயமாகவும் திகழ்வதாகப் பாராட்டியுள்ளார். அந்தச் சிறுமி இந்தியாவிற்கு பெருமை சேர்ப்பவர் என்று குறிப்பிட்ட அவர், ஜெய் ஹிந்த் மற்றும் ஜெய் மணிப்பூர் என முழக்கமிட்டு தனது அன்பை வெளிப்படுத்தியுள்ளார்.