திருப்பூர் அருகே ரேஷன் அரிசியை எடை போட்டு பார்த்த பயனாளி அதிர்ச்சி! பெண் ஊழியர் சஸ்பெண்ட்

திருப்பூர் அருகே உள்ள ரேஷன் கடை ஒன்றில், பெண் ஊழியர் ஒருவர் எடையைக் குறைத்துக் காட்டும் வகையில் தராசை மாற்றியமைத்தது சமூக வலைதளங்களில் வைரலானது. இதைத்தொடர்ந்து, அந்தப் பெண் ஊழியரை பணியிடை நீக்கம் செய்து அதிகாரிகள் உத்தரவிட்டுள்ளனர்.

ரேஷன் அரிசி வாங்கிய பயனாளி ஒருவர், எடை குறைவாக இருப்பதை உணர்ந்து தராசைச் சரிபார்த்தபோது இந்த முறைகேடு வெளிச்சத்திற்கு வந்தது. இது குறித்த வீடியோ காட்சிகள் சமூக வலைதளங்களில் பரவியதையடுத்து, சம்பந்தப்பட்ட ஊழியர் மீது இந்த நடவடிக்கை எடுக்கப்பட்டுள்ளது.