உபியில் சரியும் பாஜக.. அகிலேஷ் யாதவின் சமாஜ்வாதி - காங்., செல்வாக்கு அதிகரிப்பு - சர்வே

மத்தியில் பிரதமர் நரேந்திர மோடி தலைமையிலான தேசிய ஜனநாயகக் கூட்டணி ஆட்சியில் உள்ள நிலையில், தற்போது மக்களவைத் தேர்தல் நடந்தால் உத்தரப் பிரதேசத்தில் இந்தியா கூட்டணி அதிக இடங்களைக் கைப்பற்றும் என்று இந்தியா டுடே-சி வோட்டர் நடத்திய கருத்துக்கணிப்பு தெரிவிக்கிறது.

பாஜக தலைமையிலான தேசிய ஜனநாயகக் கூட்டணியின் செல்வாக்கு உத்தரப் பிரதேசத்தில் சரிந்து வருவதாகவும், அகிலேஷ் யாதவின் சமாஜ்வாதி மற்றும் காங்கிரஸ் உள்ளடக்கிய இந்தியா கூட்டணியின் செல்வாக்கு அதிகரித்து வருவதாகவும் அந்த ஆய்வு சுட்டிக்காட்டுகிறது.