மேற்கத்திய இசையும் பரதநாட்டியமும் சங்கமித்த அப்சராஸ் ஆர்ட்சின் ‘அகப்பே’

மேற்கத்திய இசை மற்றும் பரதநாட்டியம் இணைந்து அரங்கேறிய ‘அகப்பே’ எனும் கலை நிகழ்ச்சி, மனித உறவுகளின் முக்கியத்துவத்தை அழகாக எடுத்துரைத்தது. இன்றைய காலகட்டத்தில் கைபேசித் திரைகளுக்குள் முடங்கிப்போயுள்ள மனித உறவுகளை, அன்பின் மூலமும் மனிதாபிமானத்தின் மூலமும் மீண்டும் எவ்வாறு ஒன்றிணைக்க முடியும் என்பதை இந்த நடன நிகழ்ச்சி மேடையில் உணர்த்தியது.

அப்சராஸ் ஆர்ட்ஸ் குழுவினரால் வழங்கப்பட்ட இந்த ‘அகப்பே - த ஹியூமன் கனெக்‌ஷன்’ என்ற நிகழ்ச்சி, பார்வையாளர்களுக்கு நெகிழ்ச்சியான அனுபவத்தை அளிக்கும் வகையில் அமைந்திருந்தது.