இயக்குநர் மாரி செல்வராஜ் தயாரிப்பில் அமீர் நடிக்கும் 'மாகாளி': ஃபர்ஸ்ட் லுக் போஸ்டர் வெளியீடு

இயக்குநர் மாரி செல்வராஜ் தயாரிப்பில், நடிகர் மற்றும் இயக்குநரான அமீர் கதாநாயகனாக நடிக்கும் புதிய திரைப்படத்திற்கு 'மாகாளி' என்று பெயரிடப்பட்டுள்ளது. இந்தப் படத்தின் ஃபர்ஸ்ட் லுக் போஸ்டரை மாரி செல்வராஜ் தற்போது அதிகாரப்பூர்வமாக வெளியிட்டுள்ளார்.

மாரி செல்வராஜின் மனைவியான திவ்யா மாரி செல்வராஜ் நடத்தும் 'நவ்வி ஸ்டூடியோஸ்' நிறுவனம் இந்தப் படத்தை தயாரிக்கிறது. மாரி செல்வராஜின் தயாரிப்பில் உருவாகும் இரண்டாவது திரைப்படம் இது என்பது குறிப்பிடத்தக்கது.

மாரி செல்வராஜ் தற்போது இளையராஜா இசையில் பிரியங்கா மோகன் மற்றும் கயாடு லோகர் நடிப்பில் 'மஞ்சணத்தி' திரைப்படத்தை இயக்கும் பணிகளில் தீவிரமாக ஈடுபட்டு வருகிறார். இப்படம் நவ்வி ஸ்டூடியோஸ் மற்றும் ஃபார்சியூன் எண்டர்டெயின்மெண்ட் ஆகிய நிறுவனங்கள் இணைந்து தயாரித்து வருகின்றன.