தென்னிந்திய திரைப்பட எழுத்தாளர் சங்கத்தின் புதிய நிர்வாகிகள் ரஜினிகாந்துடன் சந்திப்பு

தென்னிந்திய திரைப்பட எழுத்தாளர் சங்கத்தின் புதிய நிர்வாகிகள் குழுவினர் சூப்பர் ஸ்டார் ரஜினிகாந்தை நேரில் சந்தித்து கலந்துரையாடினர். இந்தச் சந்திப்பில் சங்கத்தின் புதிய தலைவராகப் பொறுப்பேற்றுள்ள இயக்குனர் சேரன், பொதுச்செயலாளர் பட்டுக்கோட்டை பிரபாகர் மற்றும் பொருளாளர் ஆர்.சுந்தர்ராஜன் ஆகியோர் கலந்துகொண்டனர்.

புதிதாகப் பொறுப்பேற்றுள்ள நிர்வாகிகள் தங்களுக்கு வழங்கப்பட்டுள்ள பொறுப்புகள் குறித்து ரஜினிகாந்திடம் பகிர்ந்துகொண்டனர். மேலும், சங்கத்தின் பிற நிர்வாகிகள் மற்றும் செயற்குழு உறுப்பினர்களும் இந்த நிகழ்வில் பங்கேற்று, ரஜினிகாந்துடன் பல்வேறு விஷயங்கள் குறித்து விரிவான ஆலோசனைகளை மேற்கொண்டனர்.