சினிமா

‘பாரிஸ் கஃபே’ இசை வெளியீட்டு விழா

தண்டர் மீடியா கண்மணி ரங்கநாதன் மற்றும் எல்வி என்டர்டெயின்மென்ட் வெங்கல் எம். லிங்கேஸ்வரன் இணைந்து தயாரித்துள்ள இப்படத்தை சராஜ் சீலன் எழுதி இயக்கியுள்ளார். இசையமைப்பாளர் கே இசையமைக்க, சதீஷ் ஜி ஒளிப்பதிவு செய்துள்ளார். தேசிய விருது பெற்ற படத்தொகுப்பாளர் விஜே சாபு ஜோசப் படத்தொகுப்பு பணிகளை மேற்கொண்டுள்ளார். படம் விரைவில் திரைக்கு வர உள்ளது. விழாவில் பேசிய தயாரிப்பாளர் கண்மணி ரங்கநாதன், குறைந்த பட்ஜெட்டில் உருவாகியுள்ள இப்படம் சமூகத்தில் நடைபெறும் முக்கியமான விஷயத்தை வலுவான கருத்துடன் பேசுகிறது என்றார். இயக்குநர் சராஜ் சீலன் தனது கணவர் என்றும், 20 ஆண்டுகளாக சினிமாவில் இயக்குநராக வேண்டும் என்ற கனவுடன் அவர் பயணித்து வருவதாகவும் குறிப்பிட்டார். இப்படத்திற்காக அவர் விரிவான ஆய்வுகளை மேற்கொண்டதாகவும் தெரிவித்தார். இயக்குநர் மித்ரன் ஜவகர், ஒளிப்பதிவாளர் சிவகுமார் விஜயன் உள்ளிட்ட சிறப்பு விருந்தினர்கள் படக்குழுவினருக்கு வாழ்த்துகளை தெரிவித்தனர். இயக்குநரின் நீண்டகால கனவு தற்போது நனவாகியிருப்பதாக சிவகுமார் விஜயன் குறிப்பிட்டார். படத்தின் கலை இயக்குநர் தாமு, எடிட்டர் சாபு ஆகியோரும் இயக்குநரின் அர்ப்பணிப்பை பாராட்டினர். நடிகர்கள் சாய் விக்கி, அர்ச்சனா, பிபின், விஜய் விஸ்வா உள்ளிட்டோர் படத்தில் நடித்த அனுபவத்தை பகிர்ந்துகொண்டனர். சமூகத்திற்கு தேவையான முக்கியமான கருத்தை இப்படம் மென்மையாக எடுத்துரைப்பதாக சாய் விக்கி கூறினார். நடிகை அனுமோல், சமூகத்திற்கு தேவையான படங்களைத் தேர்ந்தெடுத்து நடிப்பதாகவும், இயக்குநர் கூறிய கதையின் மீது நம்பிக்கை ஏற்பட்டதால் இப்படத்தில் இணைந்ததாகவும் தெரிவித்தார். குரு சோமசுந்தரத்துடன் நடித்த அனுபவத்தையும் அவர் பகிர்ந்துகொண்டார். நடிகர் குரு சோமசுந்தரம், ‘பாரிஸ் கஃபே’ உள்ளடக்கத்தை மையமாகக் கொண்ட திரைப்படம் என்றும், பெண்களை மதிக்காத சமூகம் முன்னேற முடியாது என்பதையும் இப்படம் பேசும் என்றும் தெரிவித்தார். சிறப்பு விருந்தினராக பங்கேற்ற கௌசல்யா சங்கர், திரைப்படத்தைப் பார்த்தபோது இது சமூகத்திற்கு தேவையான படமாக இருப்பது புரிந்ததாகவும், பெண்களின் உரிமைகள் மற்றும் ஆணவப் படுகொலைகள் தொடர்பான முக்கியமான கருத்துகளை படம் முன்வைப்பதாகவும் கூறினார். இயக்குநர் சராஜ் சீலன், தனது சினிமா பயணம் சிறுவயதிலேயே தொடங்கியதாகவும், பல ஆண்டுகளாக கொண்டிருந்த கனவு தற்போது இப்படத்தின் மூலம் நிறைவேறியுள்ளதாகவும் தெரிவித்தார். குரு சோமசுந்தரம், அனுமோல் உள்ளிட்ட நடிகர்கள் மற்றும் தொழில்நுட்பக் குழுவினருக்கு அவர் நன்றி தெரிவித்தார். ‘பாரிஸ் கஃபே’ திரைப்படத்தில் குரு சோமசுந்தரம், அனுமோல், அர்ச்சனா குமார், <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> விஸ்வா, சாய் விக்கி, நயனா சாய் உள்ளிட்டோர் நடித்துள்ளனர். படம் விரைவில் திரைக்கு வர உள்ளது.

Abp News14 மணி நேரம் முன் · புதுப்பிக்கப்பட்டது

PulseNews சுருக்கம்

தண்டர் மீடியா கண்மணி ரங்கநாதன் மற்றும் எல்வி என்டர்டெயின்மென்ட் வெங்கல் எம். லிங்கேஸ்வரன் இணைந்து தயாரித்துள்ள 'பாரிஸ் கஃபே' திரைப்படத்தின் இசை வெளியீட்டு விழா நடைபெற்றுள்ளது. சராஜ் சீலன் இப்படத்தை எழுதி இயக்கியுள்ளார்.

இப்படத்திற்கு கே இசையமைக்க, சதீஷ் ஜி ஒளிப்பதிவு செய்துள்ளார். தேசிய விருது பெற்ற படத்தொகுப்பாளர் விஜே சாபு ஜோசப் படத்தொகுப்பு பணிகளை மேற்கொண்டுள்ள நிலையில், இப்படம் விரைவில் திரைக்கு வரவிருக்கிறது.

மூலம்: Abp NewsAbp News-இல் முழு செய்தியைப் படிக்க →

#cinema