ஒரு பக்கம் சூர்யாவின் விஸ்வநாத் அன் சன்ஸ்.. இன்னொரு பக்கம் விஷாலின் மகுடம்! நாளைக்கு எந்த படத்துக்கு போறீங்க?

<p>இந்தியா முழுவதும் நாளை மறுநாள் சுதந்திர தின கொண்டாட்டம் நடைபெற உள்ளது. நாடெங்கும் இதற்காக கோலாகலம் கொண்டுள்ள நிலையில், திரையுலகிலும் சுதந்திர தின நாளில் புதிய படங்களை வெளியிடுவது வழக்கம் ஆகும்.</p> <p>தமிழ் திரையுலகிலும் சுதந்திர தின கொண்டாட்டத்தை முன்னிட்டு நாளை இரண்டு பெரிய படங்கள் வெளியாகிறது.</p> <h2><strong>1. விஸ்வநாத் அன் சன்ஸ்:</strong></h2> <p>தமிழ் திரையுலகின் பிரபலமான நடிகர் சூர்யா. இவரது நடிப்பில் கருப்பு திரைப்படம் வெளியாகி மாபெரும் வெற்றி பெற்ற நிலையில், அடுத்ததாக விஸ்வநாத் அன் சன்ஸ் படம் வெளியாகிறது. 20 வயது இடைவெளி கொண்ட ஆணுக்கும், பெண்ணுக்குமான காதல் போராட்டமே இந்த கதைக்களத்தின் அடிப்படை. முழுக்க முழுக்க குடும்ப படமாக இந்த படம் அமைந்துள்ளது. இந்த படம் மிகப்பெரிய வெற்றி பெற்றால் சூர்யாவின் திரையுலக செல்வாக்கு மீண்டும் உச்சத்திற்கு செல்லும் என்று எதிர்பார்க்கப்படுகிறது.</p> <p>வெங்கி அட்லுரி இயக்கிய இந்த படத்தில் சூர்யாவுக்கு ஜோடியாக மமைதா பைஜு நடித்துள்ளார். ராதிகா, ரவீணா டான்டன் முக்கிய வேடத்தில் நடித்துள்ளார். நிமிஷா ரவி ஒளிப்பதிவு செய்துள்ளார். நவீன் நூலி படத்தொகுப்பு செய்துள்ளார். ஜிவி பிரகாஷ் இசையமைத்துள்ளார். </p> <h2><strong>2. மகுடம்:</strong></h2> <p>தமிழ் திரையுலகின் பிரபலமான நடிகர் விஷால். நடிகர், தயாரிப்பாளரான விஷால் இயக்குனராக அவதாரம் எடுத்துள்ள முதல் படம் மகுடம். அவரே இயக்கி நடித்துள்ள இந்த படத்தில் விஷாலுக்கு ஜோடியாக அஞ்சலி, துஷாரா விஜயன், ஜான் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a>, ஜெய பிரகாஷ், அஜய், வம்சி கிருஷ்ணா, அபுசலீம் ஆகியோர் நடித்துள்ளனர். </p> <p>ஆர்பி செளத்ரி தயாரித்துள்ள இந்த படத்திற்கு ஜிவி பிரகாஷ் இசையமைத்துள்ளார். என்பி ஸ்ரீகாந்த் படத்தொகுப்பு செய்துள்ளார். ரவி அரசு கதை எழுதியுள்ளார். </p> <p>முழுக்க குடும்ப கதையாக வெளியாகும் விஸ்வநாத் அன் சன்ஸ் மற்றும் முழுக்க முழுக்க ஆக்ஷன் காமெடி படமாக வெளியாகும் மகுடம் படத்திற்கும் இடையே இந்த சுதந்திர தின போட்டி உருவாகியுள்ளது. இந்த இரண்டு படங்கள் மீதும் மிகப்பெரிய எதிர்பார்ப்பு உருவாகியுள்ளது.</p> <p>இந்த இரண்டு படங்களுக்கான முன்பதிவு ஏற்கனவே தொடங்கிவிட்ட நிலையில், நாளை இந்த படம் வெளியாகிறது. பல திரையரங்குகளில் படத்திற்கான கொண்டாட்டத்தில் ரசிகர்கள் ஈடுபட்டு வருகின்றனர்.</p> <p><br />சுதந்திர தின விடுமுறை என்பதால் அடுத்த 3 நாட்கள் திரையரங்கில் மிகப்பெரிய அளவில் கூட்டம் இருக்கும் என்று படக்குழுவினர் நம்பிக்கையுடன் உள்ளனர். இந்த படம் வெளியாகி அடுத்த 10 நாட்களுக்குள் யஷ் நடித்துள்ள டாக்சிக் படமும் வெளியாகிறது. இதனால், 10 நாட்களுக்குள் வசூலை அள்ளவே இரண்டு படங்களும் மும்முரம் காட்டும்.</p> <p><iframe class="vidfyVideo" style="border: 0px;" src="https://tamil.abplive.com/web-stories/gk/how-to-celebrate-15th-august-271078" width="631" height="381" scrolling="no"></iframe></p>