'மெகா ஸ்டார்' மம்மூட்டிக்கு உதவிய பெட்ரோல் பங்க் ஊழியர்..!
நடிகர் மம்மூட்டி, படப்பிடிப்புக்காக காரைக்குடி வந்துவிட்டு கேரளா திரும்பும்போது வழி தவறி விட்டதாகவும், அப்போது பெட்ரோல் பங்கில் தூங்கிக்கொண்டிருந்த ஊழியர் ஒருவர் தனது பைக்கில் 10 கிலோமீட்டர் தூரம் வரை காருக்கு முன்னால் சென்று வழிகாட்டியதாகவும் தயாரிப்பாளர் ஆண்டோ ஜோசப் தெரிவித்துள்ளார். மம்முட்டிக்கு தான் வழி காட்டியதாக அந்த நபர் சொன்னால் யாரும் நம்பமாட்டார்கள் என்பதால்,மம்முட்டியே அந்த நபருடன் சேர்ந்து வீடியோ எடுத்துக்கொண்டு அதை சமூக வலைத்தளத்தில் பகிரும்படி தன்னிடம் சொன்னதாக ஆண்டோ ஜோசப் தெரிவித்துள்ளார்.
படப்பிடிப்பு பணிக்காக காரைக்குடி வந்த நடிகர் மம்மூட்டி, கேரளா திரும்பும் வழியில் வழிதவறியுள்ளார். அப்போது பெட்ரோல் பங்க் ஒன்றில் உறங்கிக்கொண்டிருந்த ஊழியர் ஒருவர், தனது இருசக்கர வாகனத்தில் 10 கிலோமீட்டர் தூரம் வரை மம்மூட்டியின் காருக்கு முன்னால் சென்று சரியான வழியைக் காட்டியுள்ளார்.
இந்த சம்பவத்தை தயாரிப்பாளர் ஆண்டோ ஜோசப் பகிர்ந்துள்ளார். அந்த ஊழியர் தான் வழி காட்டியதை யாரிடம் சொன்னாலும் நம்ப மாட்டார்கள் என்பதால், மம்மூட்டியே அவரோடு இணைந்து புகைப்படம் மற்றும் வீடியோ எடுத்து, அதை சமூக வலைதளங்களில் பதிவிடுமாறு கேட்டுக்கொண்டதாக அவர் தெரிவித்துள்ளார்.