வீடு தேடி வந்த போலீஸ், வீட்டை விட்டு போகும் ரேவதி; மகளை தடுத்து நிறுத்துவாரா சாமுண்டீஸ்வரி?

வீட்டை விட்டு வெளியேறும் ரேவதி.. சாமுண்டீஸ்வரிக்கு காத்திருக்கும் அதிர்ச்சி! கார்த்திகை தீபம் இன்றைய எபிசோட் அப்டேட் கார்த்திகை தீபம், சீரியலில் சாமுண்டீஸ்வரியின் முடிவுகளுக்கு எதிராக ரேவதி துணிச்சலாக குரல் கொடுத்த நிலையில், இன்று கதையில் பரபரப்பான திருப்பங்கள் அரங்கேறவுள்ளன. சாமுண்டீஸ்வரியிடம் நேருக்கு நேர் கேள்வி எழுப்பும் ரேவதி, இனிமேலும் இந்த வீட்டில் தங்க முடியாது என்று அதிரடியாக அறிவிக்கிறாள். ரேவதியின் இந்த திடீர் முடிவு குடும்பத்தினரையே அதிர்ச்சியில் ஆழ்த்துகிறது. இதையடுத்து தனது பொருட்களை எல்லாம் எடுத்துக்கொண்டு வீட்டை விட்டு வெளியேற தயாராகும் ரேவதியை சந்திக்கும் ரோகிணி, "நீ எடுக்கும் இந்த முடிவு உன் எதிர்காலத்திற்காக மிகவும் முக்கியமானது. உன் வாழ்க்கையை நீயே தீர்மானிக்க வேண்டும்" என்று ஆதரவாக பேசுகிறாள். ரோகிணியின் வார்த்தைகள் ரேவதிக்கு மேலும் தைரியம் அளிக்கின்றன. மறுபுறம், ரேவதி உண்மையிலேயே வீட்டை விட்டு கிளம்பப் போகிறாள் என்பதை உணர்ந்த சாமுண்டீஸ்வரி அதிர்ச்சியடைகிறாள். "நன்றாக யோசித்துதான் இந்த முடிவு எடுத்தாயா?" என்று கடைசி முயற்சியாக கேட்க, "என் வாழ்க்கையை நான் பார்த்துக்கொள்கிறேன்" என்று உறுதியுடன் பதிலளிக்கும் ரேவதி, அனைவரையும் அதிர வைக்கும் வகையில் வீட்டை விட்டு வெளியேறுகிறாள். ரேவதியின் இந்த முடிவு குடும்பத்தில் என்னென்ன மாற்றங்களை ஏற்படுத்தப் போகிறது? சாமுண்டீஸ்வரி தனது தவறை உணர்வாரா? ரோகிணியின் ஆதரவு ரேவதியின் வாழ்க்கையில் புதிய திருப்பத்தை உருவாக்குமா? அதிரடி, உணர்ச்சி மற்றும் எதிர்பாராத திருப்பங்களுடன் நகரும் கதைக்களம் பெரிய எதிர்பார்ப்பை ஏற்படுத்தியுள்ளது. வீடு தேடி வந்த போலீஸ்.. அதிர்ச்சியில் உறைந்த அப்பத்தா.. பரபரப்பாகும் வாகை சூடவா இன்றைய எபிசோட்! வாகை சூடவா சீரியலின் நேற்றைய எபிசோடில் தேன்மொழியின் கர்ப்ப விஷயத்தை அப்பத்தாவிடம் மறைக்க முடிவு செய்த குடும்பத்தினர், இன்று மேலும் பல திருப்பங்களையும் அதிர்ச்சி சம்பவங்களையும் சந்திக்க உள்ளனர். இன்றைய எபிசோடில், தேன்மொழி கர்ப்பமாக இருப்பது தற்போது அப்பத்தாவுக்கு தெரியக்கூடாது என்று மனோ உறுதியாக கூறுகிறான். இதற்கிடையில் மீனாட்சி, “ஏன் அப்பத்தா உங்களையும் மற்றவர்களையும் வெவ்வேறு விதமாக நடத்துகிறார்?” என்று மனோவிடம் கேள்வி எழுப்புகிறாள். அதற்கு மனோ, “சின்ன வயசிலிருந்தே அப்பத்தா எங்களை அன்பாக கொஞ்சியது கிடையாது. அதற்கான காரணம் என்னவென்று இன்றுவரை எனக்கே தெரியவில்லை” என்று மனவேதனையுடன் பதிலளிக்கிறான். மறுபுறம், லோகுவிடம் அவரது உறவினர்கள் பற்றி மீனாட்சி விசாரிக்கிறாள். ஆனால் லோகு, “எனக்கு அப்பத்தாவை தவிர வேறு யாரையும் தெரியாது” என்று கூறுகிறான். இந்த பதில் மீனாட்சிக்கு புதிய சந்தேகத்தை ஏற்படுத்துகிறது. “இது எப்படி சாத்தியம்?” என்ற கேள்வி அவள் மனதில் வலுவாக பதிகிறது. அதனைத் தொடர்ந்து, ஒரு இடத்தில் நடைபெறும் நாடகத்தை பார்த்த லோகு, அதைப் போலவே நடித்துக் காட்டுகிறான். அவனது இயல்பான நடிப்புத் திறமையையும், நடிப்பின் மீது இருக்கும் தீவிர ஆர்வத்தையும் கண்டு மீனாட்சி ஆச்சரியப்படுகிறாள். இதன் மூலம் லோகுவின் வாழ்க்கையில் மறைந்து இருக்கும் இன்னொரு பரிமாணம் வெளிச்சத்துக்கு வருகிறது. ஆனால் இவை அனைத்தையும் விட குடும்பத்தையே அதிர்ச்சியில் ஆழ்த்தும் சம்பவம் இறுதியில் அரங்கேறுகிறது. பாண்டியை கைது செய்வதற்காக போலீசார் நேரடியாக அப்பத்தா வீட்டிற்கு வருகிறார்கள். போலீசாரை வாசலில் பார்த்த அப்பத்தா கடும் அதிர்ச்சியில் உறைந்து போகிறார். பாண்டி என்ன செய்தார்? அவரை கைது செய்யும் அளவுக்கு என்ன நடந்தது? இந்த சம்பவம் குடும்பத்தின் எதிர்காலத்தை எப்படி மாற்றப் போகிறது என்பது குறித்து எதிர்பார்ப்பு எழுந்துள்ளது. விபத்தில் சிக்கிய கார்.. பள்ளத்தில் விழுந்த திவ்யா.. உயிருக்கு போராடும் நாயகி! திருமாங்கல்யம் இன்றைய எபிசோட் அப்டேட் 'திருமாங்கல்யம்' சீரியலின் விறுவிறுப்பும் அதிரடியும் கலந்த இந்த தொடரில், நேற்றைய எபிசோடில் திரு, திவ்யா மற்றும் மகா பயணம் செய்த கார் பிரேக் செயலிழந்து கட்டுப்பாட்டை இழந்த நிலையில், இன்று உயிரைப் பதறவைக்கும் சம்பவங்கள் அரங்கேற உள்ளன. காரின் பிரேக் வேலை செய்யாததால் நிலைமை மோசமாக இருப்பதை உணர்ந்த திரு, திவ்யாவையும் மகாவையும் உடனே காரில் இருந்து குதிக்கச் சொல்கிறான். ஆனால் மகா, "அக்காவை விட்டுட்டு நான் வர மாட்டேன்" என்று உறுதியாக மறுக்கிறாள். அதேபோல் திவ்யாவும், *"உன்னை விட்டுட்டு நானும் போக மாட்டேன்"* என்று சொல்ல, என்ன செய்வது என்று தெரியாமல் திரு தவிக்கிறான். பரபரப்பான அந்த தருணத்தில், வேகமாக சென்ற கார் ஒரு பெரிய மரத்தில் மோதி நின்றுவிடுகிறது. சில நிமிடங்களுக்கு பிறகு மயக்கத்தில் இருந்த திருவும் மகாவும் கண் விழிக்கின்றனர். அப்போது காருக்குள் திவ்யா இல்லாததை பார்த்ததும் இருவரும் அதிர்ச்சி அடைகிறார்கள். பதறிப்போன அவர்கள் அருகிலிருந்த பள்ளத்தாக்கு பகுதியில் இறங்கி, இரண்டு திசைகளில் திவ்யாவை தேட ஆரம்பிக்கின்றனர். நெஞ்சை பதறவைக்கும் தேடலுக்கு பிறகு, பள்ளத்தின் கீழே *சுயநினைவின்றி கிடக்கும் திவ்யாவை* கண்டுபிடிக்கின்றனர். திவ்யாவின் நிலையை பார்த்து திருவும் மகாவும் கலங்கிப் போகின்றனர். அந்த நேரத்தில் அங்கு விறகு சுமந்து வந்த ஒரு பாட்டி உதவிக்கரம் நீட்டுகிறார். திவ்யாவின் நாடித்துடிப்பை பரிசோதித்த அவர், இன்னும் உயிருடன் இருப்பதாகவும் உடனடியாக மருத்துவமனைக்கு கொண்டு சென்றால் காப்பாற்ற முடியும் என்றும் கூறுகிறார். இதையடுத்து அனைவரும் சேர்ந்து போராடி திவ்யாவை பள்ளத்திலிருந்து மேலே தூக்கி வருகின்றனர். அப்போது அருகில் கிடைத்த தள்ளுவண்டியில் திவ்யாவை படுக்க வைத்து, மிகுந்த சிரமத்துடன் மருத்துவமனைக்கு அழைத்துச் செல்கின்றனர். அங்கு அவசர சிகிச்சைப் பிரிவில் திவ்யா அனுமதிக்கப்பட, மருத்துவர்கள் தீவிர சிகிச்சையை தொடங்குகின்றனர்.மருத்துவமனை வாசலில் கண்ணீர் மல்க நின்ற திரு, "எப்படியாவது திவ்யாவை காப்பாத்திடுங்க" என்று மருத்துவர்களிடம் கெஞ்சுகிறான். தனது காதலியின் உயிருக்கு ஆபத்து ஏற்பட்டிருப்பதை நினைத்து அவன் கதறி அழும் காட்சிகள் ரசிகர்களை உருக்க வைக்க உள்ளன.