வருண பகவானே இறங்கி வா.. இரு கழுதைகளுக்கு மேள தாளத்துடன் திருமணம்.. வேலூரில் வினோத வழிபாடு!

வேலூர் மாவட்டம் ஓடுகத்தூர் கிராமத்தில் போதிய மழை பெய்ய வேண்டி, ஆண் மற்றும் பெண் கழுதைகளுக்கு கிராம மக்கள் மேள தாளத்துடன் திருமணம் நடத்தி வைத்துள்ளனர். இந்த வினோதமான நிகழ்வில் கலந்துகொண்ட பொதுமக்கள், மணமக்களுக்கு மொய் வைத்து தங்களது நேர்த்திக்கடனைச் செலுத்தினர்.

திருமணத்தை தொடர்ந்து அங்கு கூடியிருந்த மக்கள் அனைவருக்கும் அன்னதானம் வழங்கப்பட்டது. மழைக்காக கழுதைகளுக்கு திருமணம் செய்து வைக்கும் இந்த வினோத வழிபாடு அப்பகுதியில் பேசுபொருளாகியுள்ளது.