50 ஆண்டுகால அடையாளம்... இடிக்கப்படும் பெங்களூருவின் புகழ்பெற்ற ‘ஊர்வசி’ திரையரங்கம்!

பெங்களூருவின் அடையாளமாக விளங்கிய புகழ்பெற்ற ‘ஊர்வசி’ திரையரங்கம் இடிக்கப்பட உள்ளது. ஐம்பது ஆண்டுகால வரலாற்றைக் கொண்ட இந்த திரையரங்கம், கடந்த காலத்தில் பல முக்கிய திரைப்படங்களின் திரையிடலால் தனிச் சிறப்பு பெற்றிருந்தது.

ரஜினிகாந்த், கமல்ஹாசன், பிரபாஸ், ஷாருக்கான் உள்ளிட்ட முன்னணி நடிகர்களின் படங்களும், ஏராளமான கன்னடத் திரைப்படங்களும் இங்கு திரையிடப்பட்டுள்ளன. இத்தகைய சிறப்புமிக்க திரையரங்கம் இடிக்கப்படுவது சினிமா ரசிகர்கள் மத்தியில் கவனத்தை ஈர்த்துள்ளது.