தந்தைக்கு ரூ.2 லட்சம் ஊதியம் தரும் 16 வயது ‘ஏஐ சிறுவன்’ - யார் இந்த ரவுல் ஜான் அஜு?

கேரளாவைச் சேர்ந்த 16 வயது சிறுவன் ரவுல் ஜான் அஜு, தனது சொந்த செயற்கை நுண்ணறிவு (AI) நிறுவனத்தை உருவாக்கி வெற்றிகரமாக நடத்தி வருகிறார். தனது நிறுவனத்தில் அவர் தனது தந்தையையே ஊழியராகப் பணியமர்த்தியுள்ளார்.

தன்னுடைய நிறுவனத்தில் பணியாற்றும் தந்தைக்கு, மாதம் ரூ. 2 லட்சம் ஊதியமாக வழங்கி ரவுல் ஜான் அஜு அசத்தி வருகிறார். இளம் வயதிலேயே சொந்தமாக நிறுவனம் தொடங்கி, தந்தைக்கு வேலை கொடுத்து அவர் கவனித்துக்கொள்வது பலரது கவனத்தையும் ஈர்த்துள்ளது.