புதிய ரேஷன் கார்டு மற்றும் கேஸ் சிலிண்டர் முன்பதிவு: அரசு அறிவித்துள்ள புதிய தளர்வுகள்

புதிய ரேஷன் கார்டுக்கு விண்ணப்பிக்கும் போது கேஸ் சிலிண்டர் ரசீதை சமர்ப்பிக்க வேண்டிய அவசியம் இல்லை என உணவுப்பொருள் வழங்கல் துறை அறிவித்துள்ளது. இந்த விதிமுறை மாற்றத்தின் மூலம் இனி விண்ணப்பதாரர்கள் எல்பிஜி ரசீது இல்லாமலேயே புதிய ரேஷன் கார்டுகளுக்கு விண்ணப்பித்துக்கொள்ளலாம்.

இதேபோல், சமையல் எரிவாயு சிலிண்டர் முன்பதிவு செய்வதற்கான கட்டுப்பாடுகளையும் மத்திய அரசு தளர்த்தியுள்ளது. குறிப்பாக, கிராமப்புறங்களில் கேஸ் சிலிண்டர்களை முன்பதிவு செய்வதில் இருந்த நடைமுறை சிக்கல்கள் நீக்கப்பட்டுள்ளன.

இதற்கு முன்னதாக, நகர்ப்புற நுகர்வோர்கள் சிலிண்டர் முன்பதிவு செய்ய 25 நாட்கள் இடைவெளியும், கிராமப்புற நுகர்வோர்கள் 45 நாட்கள் இடைவெளியும் கடைபிடிக்க வேண்டிய கட்டாயம் இருந்தது. இந்த கட்டுப்பாடுகள் தற்போது தளர்த்தப்பட்டுள்ளதால், கேஸ் சிலிண்டர் முன்பதிவு நடைமுறைகளில் நுகர்வோருக்கு கூடுதல் வசதி ஏற்பட்டுள்ளது.