ரூ.350 கட்டணத்தில் வழங்கப்படும் பாஸ்டேக் உள்ளூர் பாஸ் வசதி 121 சுங்கச் சாவடிகளுக்கு விரிவாக்கம்
மத்திய சாலைப் போக்குவரத்து மற்றும் நெடுஞ்சாலைத் துறை அமைச்சகம் வெளியிட்டுள்ள செய்திக் குறிப்பில் தெரிவித்துள்ளதாவது: தகுதியுள்ள சுங்கச்சாவடியில் இருந்து 20 கி.மீ. சுற்றளவுக்குள் வசிக்கும் உள்ளூர் மக்களின் வசதிக்காக, டிஜிட்டல் உள்ளூர் பாஸ் வழங்கப்படுகிறது.
சுங்கச் சாவடியிலிருந்து 20 கிலோமீட்டர் சுற்றளவுக்குள் வசிக்கும் உள்ளூர் மக்கள் பயன் பெறும் வகையில், ரூ.350 கட்டணத்தில் டிஜிட்டல் பாஸ்டேக் உள்ளூர் பாஸ் வழங்கும் வசதி அறிமுகப்படுத்தப்பட்டுள்ளது. இந்தத் திட்டம் தற்போது நாட்டின் 121 சுங்கச் சாவடிகளுக்கு விரிவுபடுத்தப்படுவதாக மத்திய சாலைப் போக்குவரத்து மற்றும் நெடுஞ்சாலைத் துறை அமைச்சகம் தெரிவித்துள்ளது.
தகுதியுள்ள சுங்கச் சாவடிகளின் அருகில் வசிக்கும் உள்ளூர் மக்கள் இந்தச் சலுகையைப் பெற்றுப் பயன் அடையலாம். இதற்கான அறிவிப்பை மத்திய அமைச்சகம் அதிகாரப்பூர்வமாக வெளியிட்டுள்ளது.