E20 பெட்ரோல் தரத்தை கட்டுப்படுத்த அரசு புதிய நடவடிக்கை

E20 பெட்ரோலில் கலக்கப்படும் எத்தனால் அளவை மட்டும் கவனத்தில் கொள்ளாமல், அதன் தரத்தையும் உறுதி செய்ய மத்திய அரசு புதிய முயற்சிகளை மேற்கொண்டு வருகிறது. தற்போது E20 எரிபொருளில் குளோரைடு மாசு 3 ppm-க்கும் குறைவாக இருக்க வேண்டும் என்ற விதிமுறை இருந்தாலும், அது கட்டாயமற்ற தன்னார்வ தரநிலையாகவே உள்ளது.

இந்த விதிமுறையை எண்ணெய் நிறுவனங்கள் மற்றும் எரிபொருள் விநியோக அமைப்பில் உள்ள அனைவரும் கண்டிப்பாகப் பின்பற்றும் வகையில் மாற்ற மத்திய அரசு பரிசீலித்து வருகிறது. இதன் மூலம் எரிபொருளின் தரத்தை முழுமையாகக் கட்டுக்குள் கொண்டு வர அரசு திட்டமிட்டுள்ளது.