பெரம்பலூர்-திருப்பூர் இடையே முசிறி வழியாக அரசு பேருந்து இயக்கப்படுமா?

பெரம்பலூரிலிருந்து முசிறி வழியாகத் திருப்பூர் செல்லும் வகையில் நேரடி அரசுப் பேருந்து சேவையைத் தொடங்க வேண்டும் என, அப்பகுதி பொதுமக்களும் தொழிலாளர்களும் சிறு வணிகர்களும் கோரிக்கை விடுத்துள்ளனர். இந்தத் தேவை குறித்து பெரம்பலூர் நாடாளுமன்ற உறுப்பினர் கே.என். அருண் நேருவிடம் அவர்கள் மனு அளித்துள்ளனர்.

துறையூர், தொட்டியம் மற்றும் முசிறி ஆகிய மூன்று தாலுகாக்களின் தலைமை இடமாக முசிறி கோட்டாட்சியர் அலுவலகம் செயல்பட்டு வருகிறது. இப்பகுதி மக்களின் போக்குவரத்துத் தேவையை உணர்ந்து, நேரடி பேருந்து வசதியை ஏற்படுத்தித் தருமாறு அவர்கள் வலியுறுத்தியுள்ளனர்.