மெட்ரோவுக்கு மேலே பிரம்மாண்ட பாலம்... நடுவில் இப்படி ஒரு பிரச்னையா? அதிகாரிகளின் அதிரடி பிளான்!

<p style="text-align: justify;"><strong>Anna Salai elevated corridor:</strong> சென்னையின் மிக முக்கிய போக்குவரத்து பாதையான அண்ணாசாலையில், தேனாம்பேட்டை முதல் சைதாப்பேட்டை வரை 3.2 கிலோமீட்டர் தொலைவிற்கு ₹621 கோடி மதிப்பீட்டில் கட்டப்பட்டு வரும் உயர்மட்ட மேம்பாலப் பணியில் திடீர் திட்ட மாற்றம் செய்யப்பட்டுள்ளது. முதலில் 2026 செப்டம்பர் மாதத்திற்குள் முடிக்க இலக்கு நிர்ணயிக்கப்பட்டிருந்த நிலையில், தொழில்நுட்பக் காரணங்களால் தற்போது இதன் பணிகளுக்கான காலக்கெடு 2027 பிப்ரவரி மாதத்திற்கு ஒத்திவைக்கப்பட்டுள்ளது.</p> <h3 style="text-align: justify;">வடிவமைப்புச் சிக்கலும் மெட்ரோ தூண்களும்</h3> <p style="text-align: justify;">சைதாப்பேட்டை முதல் நந்தனம் வரையிலான பகுதியில் சுமார் 80-க்கும் மேற்பட்ட தூண்கள், கான்கிரீட் கர்டர்கள் மற்றும் 50-க்கும் மேற்பட்ட அமைப்புகள் வெற்றிகரமாக நிறுவப்பட்ட பின்னர், நந்தனம் - தேனாம்பேட்டை இடையிலான குறுகிய பாதையில் மிகப்பெரிய தொழில்நுட்பச் சவால் எழுந்தது. அண்ணாசாலையின் அடியில் ஏற்கனவே அமைந்துள்ள மெட்ரோ ரயில் நிலையங்களின் மையக் அடித்தளங்கள் நேர்க்கோட்டில் இல்லை என்பதும், சாலைகளின் அகலம் வெவ்வேறு இடங்களில் மாறுபடுவதும் கண்டறியப்பட்டது.</p> <p style="text-align: justify;">இந்தப் பகுதியில் வழக்கமான மையத் தூண்களை அமைத்தால் மேம்பாலம் வளைந்து காணப்படும் ஆபத்து இருப்பதுடன், போக்குவரத்திற்கும் கடுமையான இடையூறு ஏற்படும் என அதிகாரிகள் உணர்ந்தனர். இதையடுத்து, மையத் தூண்களுக்குப் பதிலாக சாலையின் இருபுறங்களில் இருந்தும் தாங்கிப் பிடிக்கும் 'போர்ட்டல் தூண்கள்' (Portal Pillars) அமைக்கும் புதிய திட்ட முன்மொழிவுக்கு அண்மையில் ஒப்புதல் பெறப்பட்டுள்ளது.</p> <h3 style="text-align: justify;">கட்டமைப்பு சிறப்பம்சங்கள் மற்றும் தற்போதைய நிலை</h3> <p style="text-align: justify;">இந்த மேம்பாலத் திட்டத்திற்கு கூடுதல் செலவு எதுவுமின்றி, மெட்ரோ ரயில் நிலையங்களின் பக்கவாட்டுச் சுவர்களின் ஆதரவோடு 45 போர்ட்டல் தூண்கள் அமைக்கப்பட உள்ளன. இதன் மூலம் பாதசாரிகள் நடக்கும் நடைபாதையின் இருபுறங்களிலிருந்தும் எஃகு (Steel) தூண்கள் எழுப்பப்பட்டு, சாலையின் குறுக்கே இணைக்கப்படும். இதுவரை மொத்தம் உள்ள 131 இணைப்பு அமைப்புகளில், 88 தூண்கள் நடப்பட்டு 50 இடங்களில் இணைப்புப் பணிகள் நிறைவடைந்துள்ளன.</p> <h3 style="text-align: justify;">வாகன ஓட்டிகளின் சிரமங்களும் போக்குவரத்து மாற்றமும்</h3> <p style="text-align: justify;">இத்திட்டப் பணிகள் தாமதமாவதால், தியாகராய நகர் ஜி.என்.செட்டி சாலை மற்றும் செனோடாஃப் சாலை போன்ற மாற்றுப் பாதைகளில் கடும் போக்குவரத்து நெரிசல் ஏற்பட்டு வருகிறது. மேலும் இந்த சாலைகளில் பள்ளங்களும் மேடு பள்ளங்களும் நிறைந்து காணப்படுவதால் இருசக்கர வாகன ஓட்டிகள் பெரும் அவதிக்குள்ளாகி வருகின்றனர். இருப்பினும், இத்திட்டம் முழுமையாக நிறைவடையும் போது எல்டாம்ஸ் சாலை, எஸ்.ஐ.இ.டி கல்லூரி சாலை, செனோடாஃப் சாலை உள்ளிட்ட 7 முக்கிய சந்திப்புகளில் போக்குவரத்து நெரிசல் வெகுவாகக் குறையும் என எதிர்பார்க்கப்படுகிறது.</p>