Power Shutdown Tommorow: கூடுவாஞ்சேரி, படப்பை, ஓ.எம்.ஆர் மக்கள் கவனத்திற்கு! நாளை இந்த நேரத்துல கரண்ட் இருக்காது!

<p style="text-align: justify;"><strong>Chengalpattu Power Shutdown Tommorow (29-08-2026):</strong> செங்கல்பட்டு மாவட்டம் கூடுவாஞ்சேரி, படப்பை, நாவலூர், காயரம்பேடு மற்றும் மாம்பாக்கம் ஆகிய துணை மின்நிலையங்களுக்கு உட்பட்ட பல்வேறு பகுதிகளில் நாளை அத்தியாவசிய பராமரிப்பு பணிகள் மேற்கொள்ளப்பட உள்ளன. இதன் காரணமாக, குறிப்பிடப்பட்டுள்ள குடியிருப்பு மற்றும் வர்த்தகப் பகுதிகளில் மின்விநியோகம் தற்காலிகமாக நிறுத்தப்படும் என மின்வாரிய அதிகாரிகள் அறிவித்துள்ளனர். பொதுமக்கள் தங்களுக்குத் தேவையான முன்ஏற்பாடுகளைச் செய்து கொள்ளுமாறு கேட்டுக்கொள்ளப்படுகிறார்கள்.</p> <h3 style="text-align: justify;">காலை 9:00 மணி முதல் மதியம் 2:00 மணி வரை மின்தடை ஏற்படும் பகுதிகள்</h3> <p style="text-align: justify;">கூடுவாஞ்சேரி, படப்பை, நாவலூர் மற்றும் காயரம்பேடு துணை மின்நிலைய கட்டுப்பாட்டில் இயங்கும் நந்தீஸ்வரர் நகர், பெரியார் தெரு, ஜெய்பீம் நகர், மல்லீஸ்வரர் நகர், கற்பகாம்பாள் நகர், சங்கரி நகர், காரணை புதுச்சேரி, சுவாதி நகர், கருமாரியம்மன் நகர், முத்துமாரியம்மன் கோவில் தெரு, மேட்டுத் தெரு, சதாசிவம் நகர், ஓம்சக்தி நகர், லட்சுமி நகர் மற்றும் மகாலட்சுமி நகருக்கு உட்பட்ட 4, 5, 6 ஆகிய தெருக்களில் மின்சார விநியோகம் இருக்காது.</p> <p style="text-align: justify;">இதே நேரத்தில் வண்டலூர் – வாலாஜா பிரதான சாலை, கீழ்படப்பை, விஷ்ணு நகர், படப்பை பஜார், டேவிட் நகர், கே.ஆர். புரம், பெரியார் நகர், முருகாத்தம்மன் பேட்டை, மேல் படப்பை, ஆத்தனஞ்சேரி, வட்டம்பாக்கம், நாட்டரசம்பட்டு, சிறுவஞ்சூர், ஏரிவாக்கம், ஒரத்தூர், வடமேல்பாக்கம், திருமகள் நகர் மற்றும் அம்மணம்பாக்கம் ஆகிய கிராமங்கள் மற்றும் அதன் சுற்றியுள்ள நகர்ப்புறப் பகுதிகளிலும் மின்சார சேவை நிறுத்தப்படும்.</p> <p style="text-align: justify;">மேலும் பிருந்தாவன் அவென்யூ, கிரீன் பார்க், கண்ணன் நகர், எஸ்.என். நகர், இந்திரா காந்தி நகர், திருக்குறள் நகர் 1 மற்றும் 2, கன்னிவாக்கம் தர்காஸ், ராஜேந்திர பிரசாத் நகர், செஞ்சுரி பார்க், தாமரை வில்லா, ஸ்ரீராம் சங்கரி நகர், அம்பேத்கர் நகர் மற்றும் அதனைச் சுற்றியுள்ள பிற இடங்களிலும் மதியம் 2:00 மணி வரை மின்தடை அமலில் இருக்கும்.</p> <h3 style="text-align: justify;">காலை 10:00 மணி முதல் பிற்பகல் 3:00 மணி வரை மின்தடை ஏற்படும் பகுதிகள்</h3> <p style="text-align: justify;">மாம்பாக்கம் துணை மின்நிலையத்தைச் சேர்ந்த மாம்பாக்கம், பொன்மார், வேங்கடமங்கலம், புதுப்பாக்கம், கொளத்தூர், கீழ்க்கோட்டையூர், மேலக்கோட்டையூர், கண்டிகை, வெங்கப்பாக்கம், ரத்தினமங்கலம் பகுதியின் ஒரு பகுதி, கேளம்பாக்கம், தையூர், ஓ.எம்.ஆர். சாலையின் ஒரு பகுதி மற்றும் சாத்தாங்குப்பம் ஆகிய இடங்களில் காலை 10:00 மணி முதல் பிற்பகல் 3:00 மணி வரை மின்சார விநியோகம் துண்டிக்கப்படும்.</p> <h3 style="text-align: justify;">மின் அழுத்தக் குறைபாடு மற்றும் பராமரிப்பின் அவசியம்</h3> <p style="text-align: justify;">பொதுவாக மின் பாதைகளில் ஏற்படும் மின்னழுத்தக் குறைபாடு (Voltage Fluctuation) என்பது மின்நுகர்வோர் சந்திக்கும் முக்கியப் பிரச்சினையாகும். துணை மின்நிலையங்களில் இருந்து வீடுகளுக்கு மின்சாரத்தைக் கொண்டு செல்லும் கடத்தி கம்பிகளில் ஏற்படும் அதிகப்படியான மின்தடை (Resistance), மின்மாற்றிகளில் (Transformers) ஏற்படும் அளவுக்கு அதிகமான சுமை (Overload), தளர்ச்சியடைந்த மின்வயர் இணைப்புகள் மற்றும் முறையற்ற நில இணைப்பு (Faulty Earthing) போன்ற காரணங்களால் மின்னழுத்தம் சீரற்று குறைகிறது.</p> <p style="text-align: justify;">இதுபோன்ற சிக்கல்களைத் தவிர்க்கவும், மின்சாரம் தடங்கலின்றி சீராகப் பாய்வதை உறுதி செய்யவும் துணை மின்நிலையங்களில் உள்ள சாதனங்களைப் பரிசோதித்தல், சேதமடைந்த கம்பிகளை மாற்றுதல் மற்றும் மரக்கிளைகளை அப்புறப்படுத்துதல் போன்ற மாதாந்திர பராமரிப்பு பணிகள் அத்தியாவசியமாகின்றன. இந்தப் பணிகளின் காரணமாகவே குறிப்பிட்ட நேரத்தில் மின்நிறுத்தம் செய்யப்படுவதாக மின்வாரியத் தரப்பில் தெரிவிக்கப்பட்டுள்ளது.</p> Source: Read Full Article