₹7 லட்சம் கடனுக்கு ₹80,000 செட்டில்மெண்ட்.. ஹெச்டிஎப்சி தந்த ஆஃபர்.. நெட்டிசன் பகிர்ந்த நிஜபதிவு

எட்டு ஆண்டுகளாக ஹெச்டிஎப்சி வங்கி கிரெடிட் கார்டைப் பயன்படுத்தி வந்த நபர் ஒருவர், கடுமையான நிதி நெருக்கடியால் தொடர்ந்து மூன்று தவணைகளைச் செலுத்தத் தவறியுள்ளார். இதன் காரணமாக, அவர் செலுத்த வேண்டிய 7 லட்சம் ரூபாய் நிலுவைத் தொகையை, வெறும் 80,000 ரூபாயைச் செலுத்தி முடித்துக் கொள்ளுமாறு வங்கியின் வசூல் பிரிவு அதிகாரிகள் அவருக்கு சலுகை வழங்கியுள்ளனர்.

இந்தச் சம்பவம் குறித்த தகவலை சம்பந்தப்பட்ட நபரின் நண்பர் இணையத்தில் பகிர்ந்துள்ளார். நிலுவைத் தொகையைச் செலுத்துவது குறித்து விரைவாக முடிவெடுக்குமாறு வங்கி அதிகாரிகள் அறிவுறுத்தியுள்ளதாக அந்தப் பதிவில் தெரிவிக்கப்பட்டுள்ளது.