வாடகை வீட்டில் சிக்கலா ? இனி கவலை வேண்டாம்..தமிழக அரசு எடுக்கப் போகும் அதிரடி முடிவு

<h2><strong>"வீட்டு வாடகை பதிவு செய்வது அவசியம்"</strong></h2> <p>தமிழகத்தில் மொத்த மக்கள் தொகையில் , 48.45 சதவீதம் பேர் நகர்ப்புற பகுதிகளில் வசிக்கின்றனர். இவர்களில் , 24 சதவீதம் பேர், வாடகை வீடுகளில் வசிப்பதாக , அரசின் புள்ளி விபரங்கள் தெரிவிக்கின்றன. இந்நிலையில் , நகர்ப்புற பகுதிகளில் , வாடகைக்கு வீடு பெறுவதும் , கொடுப்பதும் மிக முக்கிய நிகழ்வாக மாறி உள்ளது.</p> <p>வாடகை கட்டுப்பாடு சட்டத்துக்கு மாற்றாக , தமிழக அரசு , 2017 - ம் ஆண்டு, வாடகை வீட்டு வசதி சட்டத்தை நிறைவேற்றியது. இந்த சட்டம், 2019 - ம் ஆண்டு அமலுக்கு வந்த நிலையில் , இதற்கான விதிமுறைகளும் வெளியிடப்பட்டன. இதன்படி , வீட்டை வாடகைக்கு விடுவோர், அதை மாவட்டம் மற்றும் கோட்ட அளவில் உள்ள வாடகை வீட்டு வசதி ஆணையங்களில் பதிவு செய்ய வேண்டும்.</p> <p>இவ்வாறு பதிவு செய்யப்பட்ட வீடுகள் தொடர்பான , வாடகை பிரச்சனை வழக்குகளை மட்டுமே ஆணையம் மற்றும் தீர்ப்பாயம் விசாரிக்கும். எனவே வாடகை வீட்டு வசதி சட்டத்தில் பதிவு செய்வது அவசியமாகிறது.</p> <p>தற்போதைய நிலவரப்படி வாடகை வீட்டு வசதி சட்டத்தின் கீழ் வரும் புகார்கள் விசாரிக்கப்பட்டு , ஆணையங்களில் உத்தரவுகள் பிறப்பிக்கப்படுகின்றன. இந்த உத்தரவுகள் சம்பந்தப்பட்ட நபர்கள் மட்டுமே , அறிந்து கொள்ளக் கூடிய நிலையில் உள்ளன.</p> <h2><strong>இது குறித்து பொது மக்கள் கூறியதாவது ;</strong></h2> <p>வாடகை வீட்டு வசதி சட்டம் அமலுக்கு வந்த நிலையில் , இது தொடர்பாக சில வழக்குகளை ஆணையங்கள், தீர்ப்பாயங்கள் விசாரிக்கின்றன. ஆனால் , இதில் வழங்கப்படும் உத்தரவுகள் என்ன என்பதை , பொது மக்கள் பார்வைக்கு வெளியிடுவதில்லை.</p> <p>இதனால், வாடகை வீடு சம்பந்தமான பிரச்னையில் பாதிக்கப்படுவோர், இந்த ஆணையங்களை எப்படி அணுகுவது எனத் தெரியாமல் தவிக்கின்றனர். எனவே, மக்கள் அறிந்து கொள்ளும் வகையில், இந்த உத்தரவுகளை இணையதளம் வாயிலாக வெளியிட வேண்டும். இவ்வாறு அவர்கள் கூறினர்.</p> <h2><strong>இது குறித்து வீட்டு வசதி மற்றும் நகர்ப்புற வளர்ச்சித் துறை அதிகாரி கூறுகையில் ;</strong></h2> <p>வாடகை வீட்டு வசதி ஆணையம் மற்றும் தீர்ப்பாய உத்தரவுகளை வெளியிட எவ்வித தடையும் இல்லை. இந்த விஷயத்தில், அரசின் வழிகாட்டுதல் பெற்று உரிய முடிவு எடுக்கப்படும்</p>