100 நாட்களில் ரூ.1 லட்சம் கோடி முதலீடுகள் ஈர்ப்பு: தமிழக அரசு

வெற்றி தமிழ்நாடு முதலீட்டாளர்கள் மாநாட்டில், தொழில் மற்றும் முதலீட்டு ஊக்குவிப்புத் துறையின் மூலம் 97 புரிந்துணர்வு ஒப்பந்தங்கள் கையெழுத்தாகியுள்ளன. இதன் வாயிலாக 67,452 கோடி ரூபாய் முதலீடுகள் ஈர்க்கப்பட்டு, 1,06,998 பேருக்கு வேலைவாய்ப்புகள் கிடைக்க வழிவகை செய்யப்பட்டுள்ளது.

தமிழகத்தில் ஆட்சிப் பொறுப்பேற்ற 100 நாட்களில் மொத்தம் ஒரு லட்சம் கோடி ரூபாய் முதலீடுகளை அரசு ஈட்டியுள்ளது. தொழில் மற்றும் வர்த்தகத் துறையின் சார்பில் மேற்கொள்ளப்பட்ட இந்த நடவடிக்கைகளின் மூலம் மாநிலத்தின் தொழில் வளர்ச்சி வலுப்பெற்றுள்ளது.