TVK Budget: விஜய் அரசின் முதல் பட்ஜெட்.. தவெக நிதிநிலை அறிக்கையில் வெளியாகும் அறிவிப்புகள் என்னென்ன?

<p>தமிழ்நாட்டில் நடந்து முடிந்த சட்டமன்ற தேர்தலில் வெற்றி பெற்று தவெக ஆட்சியமைத்துள்ளது. தவெக அரசின் மீது மிகப்பெரிய எதிர்பார்ப்புகள் உருவாகியுள்ள நிலையில், தவெக அரசின் முதல் நிதிநிலை அறிக்கை வரும் ஆகஸ்ட் 5ம் தேதி தாக்கல் செய்யப்பட உள்ளது.</p> <h2>தவெக அரசின் பட்ஜெட்:</h2> <p>விஜய் தலைமையிலான அரசின் முதல் பட்ஜெட் என்பதாலும், அரைநூற்றாண்டுகளுக்கு பிறகு திமுக மற்றும் அதிமுக இல்லாத கட்சி ஒன்று பட்ஜெட்டை தாக்கல் செய்கிறது. இந்த பட்ஜெட்டைத் தயாரிப்பதற்கு நிதியமைச்சர் மரிய வில்சனுக்கு பல்வேறு ஆலோசனைகளை முதலமைச்சர் விஜய் வழங்கியுள்ளார்.</p> <h2><strong>சிறப்புகள் என்னென்ன?</strong></h2> <p>முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> அரசின் முதல் பட்ஜெட் அறிக்கையில் என்னென்ன சிறப்பம்சங்கள் இடம்பெற உள்ளது என்ற தகவல்கள் வெளியாகியுள்ளது.</p> <p>1. இந்த பட்ஜெட் அறம், பொருள், இன்பம் என்ற பெயரில் 2026-27 நிதிநிலை அறிக்கை தாக்கல் செய்யப்பட உள்ளது. </p> <p>2. அடுத்த 5 ஆண்டுகளில் 5 லட்சம் புதிய வீடுகள் கட்டித்தருவதற்கான அறிவிப்பு வெளியாகும் என்று தகவல்கள் வெளியாகியுள்ளது.</p> <p>3. முதியோர் உதவித்தொகையை அதிகரித்து வழங்கும் அறிவிப்பும் இந்த பட்ஜெட்டில் இடம்பெறும் என்று கருதப்படுகிறது.</p> <p>4. பாரம்பரிய விளையாட்டுகளுக்கு முக்கியத்துவம் அளித்து நிதி ஒதுக்கவும் திட்டமிடப்பட்டுள்ளது.</p> <p>பெண்கள் பாதுகாப்பு, பெண்கள் முன்னேற்றம் வாக்குறுதிகளை அளித்து ஆட்சியைப் பிடித்த தவெக-வின் பட்ஜெட்டில் பெண்களுக்கு முக்கியத்தவம் அளிக்க முடிவு செய்யப்பட்டுள்ளது.</p> <p>5. பெண்களின் பொருளாதார வளர்ச்சியை மேம்படுத்தும் நோக்கில் பெண்கள் தன்னிறைவுக்கான சிறப்பு தொழிற்பேட்டைகள் திட்டம் அறிவிப்பு வெளியாக உள்ளது.</p> <p>6.பெண்களுக்கு எதிராக குற்றங்களை விசாரிப்பதற்கு சிறப்பு நீதிமன்றங்கள் அமைக்க முடிவு</p> <p>7.காமராஜர் பெயரில் சிறப்பு பள்ளிகள் தொடங்க திட்டம்</p> <p>8. அரசுப்பள்ளிகளை நவீனமயமாக்கும், தரத்தை மேம்படுத்தும் அறிவிப்புகள் வெளியாக வாய்ப்பு</p> <p>9. மொழிப்போர் தியாகிகளுக்கு அருங்காட்சியகம், பட்டா முறைப்படுத்துதல் போன்ற புதிய திட்டங்களை செயல்படுத்த முடிவு</p> <p>இதுபோன்ற அறிவிப்புகள் வெளியாகும் என்று எதிர்பார்க்கப்படுகிறது.</p> <h2>அத்தியாவசியத்திற்கு முக்கியத்துவம்:</h2> <p>கடந்த கால அரசுகளின் பட்ஜெட்டில் பல்வேறு திட்டங்களுக்கு ஒதுக்கப்பட்ட நிதி முறையாக செலவு செய்யாமல் இருந்தது போல இல்லாமல், உரிய திட்டங்களுக்கு மட்டும் முக்கியத்துவமும், முன்னுரிமையும் அளிக்க தவெக அரசு முடிவு செய்துள்ளது. அதேபோல, தமிழ்நாட்டின் நிதிநிலை மோசமாக உள்ள சூழலில், <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அரசு அத்தியாவசியமான, முக்கியமான திட்டங்களுக்கு மட்டும் முதன்மையாக செலவு செய்ய முடிவு செய்துள்ளது.</p> <p> </p>